《廣東話 句末助詞 列表》
日期：2020年10月11日
呢個句末助詞列表係以《粵典》嘅內容自動產生出嚟，想睇字詞嘅詳細解釋可以撳入啲 link 度。個 list 未必最齊，不過應該齊過絕大部份你會搵到嘅嘅 list。希望幫到大家啦 ^O^/
- 粵典中央決策組．小編 S
---------------------------
ge lu 㖭 㗎 來 可 吓 吖 呀 呃 呢 咋 咓 咖 咧 咩 咯 哩 唧 啊 啝 啦 啩 啫 啵 喂 喇 喎 喳 嗄 嗎 嗬 嗱 嗻 嘅 嘍 嘎 嘛 嘞 噃 噶 嚕 嚟 嚹 囉 囖 既 格 添 𠺝 𠻹 𠾵 𠿪 𡃉 㗎嘛 之嘛 加嘛 吖嗎 吖嗱 吖嘛 吖笨 呀嘛 咋嘛 啫嘛 喳嘛 定啦 定喇 定嘞 #架嘛罷啦 #罷喇頂啦 頂喇 頂嘞 𠺢嘛
----------------------------
lu(lu3) / 嚕(lu3)
解釋：表達自己覺得慶幸、輕鬆嘅狀態轉變
例句：我買到飛lu。
例句：做完功課嚕！
例句：我入咗中大lu，唔使考DSE。
例句：我感冒好返晒，唔使再食藥嚕。
例句：瞓醒就冇事嚕。
lu(lu3) / 嚕(lu3)
解釋：用嚟講出自己或者大家準備做嘅行動
例句：我哋去睇戲lu。
例句：你仲未做完嘢呀？咁我自己走先嚕。
㗎(gaa3) / 咖(gaa3) / 𡃉(gaa3)
解釋：表示疑問
例句：講真定講假㗎？
㗎(gaa3) / 咖(gaa3) / 𡃉(gaa3)
解釋：表示感嘆
例句：好貴㗎！
㗎(gaa4) / 嘎(gaa4)
解釋：表示同自己嘅諗法唔同，想同對方確認
例句：乜係噉㗎？
例句：真係㗎？
例句：你整㗎？
㗎(gaa4) / 嘎(gaa4)
解釋：用於反詰，有啲怪緊對方
例句：你傻㗎？
例句：唔係你以為我講笑㗎？
之嘛(zi1 maa3) / 啫嘛(ze1 maa3) / 咋嘛(zaa1 maa3) / 喳嘛(zaa1 maa3)
解釋：加喺句尾，表示一件事其實冇大家諗得咁特別
例句：佢考試得嗰八十分，都唔係好勁之嘛。
例句：個測驗好簡單喳嘛，咁都肥佬。
例句：一千蚊啫嘛，我都俾得起啦。
可(ho2) / 嗬(ho2)
解釋：加喺句尾，用黎叫對方確認自己嘅假設
例句：你唔要㗎喇可？
例句：好聽呀可？
例句：你唔識我㗎可？
吓(haa2) / 嗄(haa2)
解釋：加喺句尾，表示啱啱嘅內容係雙方嘅共識，要求對方確認
例句：就噉話啦吓！
例句：快啲做晒啲功課啊吓！
吖(aa1)
解釋：用喺主題之後，表達說話者對主題貶斥或者鄙視
例句：睇下佢吖，緊張成噉喎！
例句：你吖！噉樣對我？
吖(aa1)
解釋：通常用喺形容詞＋到後面，取代本身用嚟描述程度嘅補語，以表示難以言喻
例句：你班友貪心到吖！
例句：佢女朋友靚到吖，真係！
吖(aa1)
解釋：加喺帶述說動詞嘅分句之後，用嚟表示態度坦誠
例句：老實講吖，⋯
例句：講開又講吖，⋯
吖(aa1)
解釋：語氣中隱含不滿、不快，又或者對自己所講嘅嘢表示不以為然
例句：佢攞影后唔出奇吖。
吖(aa1)
解釋：放喺問句度表示質疑
例句：你試過未吖？
例句：佢而家去咗未吖？
例句：噉你而家即係想點吖？
吖(aa1)
解釋：係祈使句入面使用，可以令語氣婉轉啲，冇咁強硬
例句：你示範一次俾我睇吖。
例句：開門俾我吖。
例句：我哋不如講吓買車吖。
例句：你要幾多個橙啊？五個吖。
吖(aa1)
解釋：用嚟提出一啲對方似乎唔認同嘅正面意見
例句：呢條裙幾好睇吖。
例句：其實你一啲都唔肥吖。
吖嗱(aa1 naa4)
解釋：放喺對方無視自己權威嘅行為或者說話之後，如果係假定句就係用嚟帶出後面嘅警告、恐嚇，如果係已經發生嘅就帶出相應行動
例句：你夠膽去吖嗱，我腳都毆跛你！
例句：唔使溫書吖嗱！而家考試唔合格喇。
吖嘛(aa1 maa3) / 吖嗎(aa1 maa3)
解釋：用嚟帶出一啲對方理應知道，或者顯然而見嘅事實
例句：你知唔知佢去咗邊啊？法國吖嗎。
例句：費事俾人誤會吖嗎。
例句：你唔知咩？佢問阿媽借錢吖嗎。
吖嘛(aa1 maa3) / 吖嗎(aa1 maa3)
解釋：喺問句度，用嚟確認一啲自己覺得肯定係啱嘅嘢
例句：你冇事吖嗎？
例句：架車三點鐘到吖嗎？
吖笨(aa1 ban6)
解釋：放喺句尾，表示挑釁
例句：打我吖笨！
例句：告我吖笨！
呀(aa3) / 啊(aa3)
解釋：用喺句尾、停頓之前，令句子冇咁突兀
例句：唔知啊。
例句：啱啊。
例句：我買咗部相機啊。
例句：唔係啊，你搭錯車喇。
呀(aa3) / 啊(aa3)
解釋：用喺句尾去軟化口氣
例句：我冇話過唔同意你講嘅嘢呀。
例句：我冇怪佢啊。
呀(aa3) / 啊(aa3)
解釋：列舉嘅時候，加喺每個項目之後
例句：咖啡呀，奶茶呀，檸茶呀，一般嘅飲品我哋都有。
例句：我哋都係行街呀，食飯呀，睇戲呀噉囉。
呀(aa3) / 啊(aa3)
解釋：用喺兩極
例句：條裙靚唔靚啊？
例句：你係咪唔舒服啊？
例句：點解佢自殺啊？
例句：咩事啊？
例句：而家幾點啊？
呀(aa3) / 啊(aa3)
解釋：拉長讀嘅時候，表示唔耐煩
例句：你呀，同我做晒啲嘢呀～
例句：仲有啊，唔好再跟住我啊。
呀(aa3) / 啊(aa3)
解釋：表達興高采烈嘅語氣
例句：套戲真係好正呀！
呀(aa4)
解釋：以疑問嘅語氣請對方確認、向對方求證
例句：乜唔係佢呀？
例句：你食緊飯呀？
例句：噉呀，聽日先算囉。
例句：哥哥呀，我想問你呢個字係咪咁寫。
呀(aa4)
解釋：同「都」一齊用，表示無可奈何
例句：佢都唔去呀。
例句：我都唔知佢住喺邊呀。
呃(aak3)
解釋：用嚟否定某種預設或者立場
例句：唔係呃，頭先佢仲喺位個噃。
例句：幅牆紙淨色，睇落清清哋都幾好呃。
呃(aak3)
解釋：接受提議，意味住事情可以解決
例句：好呃，就去飲茶吖。
呢(le1)
解釋：用嚟半勸半請，語氣比較柔弱
例句：唔好玩呢，好肉酸㗎。
例句：去呢，乖乖哋呢，老公！
例句：俾返佢呢，咪整喊佢呢。
呢(le4) / 咧(le4)
解釋：希望對方同意做自己提議嘅動作，而且有信心對方願意採納
例句：我同你調位呢。
例句：噉呢，佢代你去，好唔好？
例句：我哋做個交易呢。
例句：既然係佢小小心意咯，收咗佢呢。
呢(ne1)
解釋：問句後面嘅疑問助詞，表示自己思考緊呢個問題
例句：你搭緊地鐵定巴士呢？
例句：張紙去咗邊呢？
例句：係咪真係噉呢？
例句：食唔食蛋撻好呢？
例句：然後呢？
例句：噉你呢？
例句：何必呢？
呢(ne1)
解釋：提問嘅時候，表示好有信心自己猜測得準確，有啲認叻嘅意味；會明顯拖長
例句：佢係咪食唔慣西餐呢？
例句：你識唔識得呢個女仔呢？
呢(ne1)
解釋：喺從句後面標示話題，後面嘅內容會圍繞住呢個話題
例句：即係呢，我唔係咁鍾意同佢坐埋一齊囉。
例句：但係死腔呢，唔會好嘈嘅咩？
例句：如果呢個人打電話嚟呢，你同佢話我唔喺度吖。
呢(ne1)
解釋：冇特定意思，純粹填充以換取時間
例句：如果呢，我呢，即係呢，而家又覺得呢，唔係好想去，你唔會怪我㗎嗬？
呢(ne1)
解釋：通常喺埋怨或者責怪嘅時候，拖長嚟講，用嚟省略後面想表達嘅負面諗法
例句：你鋪話法呢……
例句：嚇得我吖！真係呢……
呢(ne1)
解釋：「幾＋形容詞＋呢」嘅形式，表示唔耐煩
例句：你睇下佢幾論盡呢！
呢(ne1)
解釋：發音矩促，用於是非問句形式嘅反問，有怪責對方唔理自己提醒嘅意味
例句：係咪衰呢？都話唔好爭咯，而家爛咗冇得玩啦！
例句：嗱，撞親嘞。係咪曳呢？咁貪玩！
例句：提咗你㗎啦，係咪呢？
咋(zaa3)
解釋：只會用係句尾；表示只係、淨係；數量、程度等等冇預計咁多咁高
例句：我講笑咋。
例句：差少少咋。
咋(zaa4) / 喳(zaa4)
解釋：表示程度少過、低過講者喺對方陳述實況之前嘅預期
例句：一個月咋？
例句：噉咋？
咋(zaa5) / 𠾵(zaa5)
解釋：放喺句尾，用嚟表達自己啱啱發現一樣嘢冇想像咁多、咁高
例句：乜三個人咋？
例句：係噉咋？易過借火啦。
咓(aa5) / 呀(aa5) / 呀嘛(aa6 maa5) / 嘛(maa5)
解釋：放喺句子嘅尾，用嚟表達自己啱啱明白咗啲嘢，複述多次去確認
例句：呢本書你鍾意咓？我送俾你啦。
例句：哦！佢唔精神咓？由得佢囉。
咓(aa5) / 呀(aa5) / 呀嘛(aa6 maa5) / 嘛(maa5)
解釋：更正對方嘅時候，放喺句末用嚟表達質疑嘅態度
例句：呢度總數係一百蚊呀嘛？
咓(aa5) / 呀(aa5) / 呀嘛(aa6 maa5) / 嘛(maa5)
解釋：放喺句子嘅尾，用嚟確認最壞嘅情況有冇發生；通常同否定句一齊用
例句：佢唔係買曼聯咁傻仔咓？
例句：你唔會冇帶到銀包咓？
例句：做乜咁唔開心呀？今日冧市，你唔係有貨喺手咓？
例句：唔係呀嘛？你講真㗎？
例句：你冇嘢嘛？
咓(aa5) / 呀(aa5) / 呀嘛(aa6 maa5) / 嘛(maa5)
解釋：可以加喺其他助詞後面，組成複合助詞
例句：𠿪；㗎嘛
例句：咋；咋嘛
例句：哪；#哪嘛
咩(me1)
解釋：用嚟構成是非問句，表示疑問、質疑、驚訝，讀起嚟語調短促
例句：你良心過意得去咩？
例句：咁做好咩？
例句：你唔驚佢嬲咩？
例句：你鍾意佢咩？
例句：乜你今日唔駛返學咩？
例句：乜你唔去咩？
咩(me1)
解釋：用喺反詰問句，帶有否定嘅口氣，會讀成高降調，可以拉長
例句：我呃你有獎咩？
例句：同你有親咩！黐到咁埋！
例句：唔想返工都要返㗎，唔使食飯咩？我又唔係二世祖。
例句：你當我傻嘅咩？
例句：你唔同佢嘈，佢就唔會同你嘈㗎喇咩？
例句：藝術我識條鐵咩？
咯(lok3)
解釋：用嚟覆述自己或者人哋講過嘅嘢，唔耐煩嗰時用
例句：都話唔要咯。
咯(lok3)
解釋：用作反駁，通常同副詞「夠」連用
例句：獎盃之嘛，我夠有咯。
例句：你話我蠢才，我夠話你白癡咯。
例句：我夠係佢同學咯，又唔見佢咁好心機教我？
咯(lok3)
解釋：放喺複句嘅上句入面，上接理由，下接後續嘅行動
例句：我見個個都未走咯，我咪繼續做嘢囉。
哩(le5) / 咧(le5)
解釋：指出有嘢可以印證自己嘅預料、判斷、觀察正確
例句：個肚咕咕聲打晒鼓噉，肚餓哩？
例句：咁得閒搵我，同條女散咗哩？
哩(le5) / 咧(le5)
解釋：加喺形容詞後面，用嚟認叻
例句：我今年考試科科攞Ａ，威哩？
例句：型哩？
哩(le5) / 咧(le5)
解釋：加喺同能力、成就有關嘅句子最尾，用嚟貶低聽嘅人
例句：估唔到哩？
例句：跑幾步就冇氣哩？
哩(le5) / 咧(le5)
解釋：堅持自己嘅睇法、決定
例句：唔係哩，佢哋都冇出過去哩。
例句：我真係去唔到哩。
唧(zek1) / 啫(zek1)
解釋：作遊說之意
例句：你唔好去唧！
例句：佢咁衰，我哋杯葛佢唧！
唧(zek1) / 啫(zek1)
解釋：好強烈噉表示疑問以至質疑，有啲埋怨對方一直唔解答
例句：究竟點解唧？你重未話我知噃。
例句：你制唔制唧？
例句：做咩唧你？
唧(zek1) / 啫(zek1)
解釋：親密，語帶陰柔
例句：你今日好靚唧！
唧(zek1) / 啫(zek1)
解釋：表示慶幸；通常同「好彩」連用
例句：好彩有帶遮啫，唔係實變落湯雞。
啝(wo4) / 喎(wo4)
解釋：表示感到出奇，事情同期望嘅有唔同
例句：琴日我見到佢嗰陣，佢扮唔識我啝。
啦(laa1)
解釋：加喺句末，用嚟表達請求或者提議
例句：個盒你攞去啦！我唔用㗎。
例句：唔好等喇，走啦！
啦(laa1)
解釋：暗示該句子嘅內容係常識或者係固有知識
例句：我一早就話咗要去美國啦。
啦(laa1)
解釋：用嚟列舉
例句：枱上面有好多生果，蘋果啦，橙啦，香蕉啦，你鍾意食乜就揀乜啦。
啦(laa1)
解釋：反諷嘅時候，用嚟以扮讚許、恭喜對方嘅方式去表達不滿
例句：你開心啦？
例句：發咗達，唔識人啦？
啩(gwaa3)
解釋：用喺句末，表示自己
例句：我諗我會嚟食飯啩。
例句：應該得啩。
例句：我估應該有廿個人啩。
啩(gwaa3)
解釋：用喺句尾，委婉噉指出對方錯誤；睇嚟；睇怕
例句：唔係啩？
例句：又係我？唔好喇啩。
啫(ze1) / 嗻(ze1)
解釋：帶出「只不過係噉」、「輕微」、「冇乜嘢」嘅意思
例句：噉啫下話？
例句：搵食啫，犯法呀？
喂(wai3/wei3)
解釋：表示建議、鼓勵、慫恿
例句：食飯喇喂。
例句：正呀喂！
例句：不如啤啤佢啦喂。
喂(wai3/wei3)
解釋：表示不滿
例句：亞視嚟嘅喂？！
例句：唔得嘅喂？！
喇(laa3) / 嚹(laa3)
解釋：放喺句尾，標示而家事物狀態有所變更
例句：三點三喇，去食下午茶啦！
例句：今鋪我玩完喇。
例句：我做埋今日就退休喇。
喇(laa3) / 嚹(laa3)
解釋：用嚟表達自己嘅決定，通常同「都係」一齊用
例句：今日我唔返工喇，有啲唔舒服。
例句：我都係買電子書喇，實體書咁重。
喎(wo3)
解釋：強調主觀感覺
例句：佢遲到喎！
例句：好喇喎！
例句：咁辣都食到喎我。
例句：我頭先食咗嘢㗎喇喎。
喎(wo3)
解釋：用喺句子停頓
例句：記住喎，洗埋衫先好瞓啊！
喎(wo5)
解釋：轉述人哋嘅說話，多數係澄清埋唔關講嗰個人事，講者只係負責轉述
例句：媽咪話唔好飲汽水喎！
例句：佢話係咁喎，我唔知㗎。
喎(wo5)
解釋：用於基於同事實嘅轉折嘅反諷
例句：嗰位朋友喇喎，就冇乜風度喇。
例句：咁容易畀人呃，仲話係大學教授喎。
例句：精英喎？睇過。
嗎(maa3) / 嘛(maa3)
解釋：用喺句尾「吖」「啦」「#𠺢」「喳」後面，用嚟表達強調或者確認
例句：你唔嚟就早講吖嗎！
例句：你係唔要啦嗎，我掉咗佢架喇。
例句：你又唔講，我唔知你點諗𠺢嗎！
嗱(laa4)
解釋：用喺問句後面，表示想對方確定
例句：食咗嘢嗱？
例句：走嗱？
嘅(ge2)
解釋：表示疑問，用嚟詢問原因
例句：點解嘅？
例句：乜你重喺度嘅？
例句：你做乜唔走嘅？
例句：你搞咩嚟啊？周身傷嘅？
例句：收唔到訊號嘅？
嘅(ge2)
解釋：以詰問形式表示感歎
例句：又會咁啱嘅？
例句：噉重成世界嘅？
例句：唔畀人行都有嘅？
例句：粒士多啤梨咁酸嘅！
例句：隻玩具熊咁得意嘅，邊度買㗎？
例句：仆你個街，亞視嚟嘅！
例句：呢度都唔好玩嘅，走喇。
例句：人家講得咁白，你都仲唔明解嘅。
例句：超！流嘅！
例句：你份人都冇解嘅！
例句：噉嘅服務態度，都唔知係咪做生意嘅！
嘅(ge2)
解釋：陳述嘅時候弱化語氣，表示疑惑、猶豫；有時會拖長啲嚟講
例句：都好嘅都好嘅……
例句：聽日會嚟嘅。
例句：OK嘅。
例句：你都講得啱嘅。
嘅(ge2)
解釋：弱化陳述語氣，輕描淡寫
例句：擦損咗少少啫，冇咩嘅。
例句：畫啦，張紙唔重要嘅。
例句：街度攞㗎，唔使錢嘅。
例句：「咦，乜咁錯蕩啊？」「哦，我嚟搵阿晴嘅。」
例句：噉佢又真係幫唔落嘅。
嘅(ge2)
解釋：好多時同「咪」或者「又係」一齊用，提醒對方過去發生嘅事
例句：噚晚你咪話你買咗拼圖返屋企砌嘅，砌成點啊而家？
例句：我哋嗰次咪去食飯嘅，撞到嗰個咪阿傑囉。
例句：又係你話嘅，閒事莫理吖嘛。
嘅(ge2)
解釋：喺舉出事實辯解嘅時候用
例句：我叫佢咁做嘅，邊關佢事唧？
例句：乜條裙真係唔靚咩？我男朋友讚我着得好睇我先買嘅。
嘅(ge3)
解釋：表示對某件事有信心、肯定，強調句子真確
例句：我知道你一定會幫我嘅。
例句：唔使用劍嘅，用黑旋風
例句：係我叫佢咁做嘅。
例句：冇事嘅。
例句：就噉嘅，呢段錄音已經打好咗嘞，跟住使唔使翻聽對稿？
嘅(ge3)
解釋：表示唔相信，好多時會同「又會」連用
例句：敵人嘅敵人就一定係自己嘅朋友嚟嘅？
嘞(laak3)
解釋：感嘆語氣，有完結或者完成嘅意思，語氣比喇更加肯定
例句：你噉做就啱嘞。
例句：我做完功課嘞。
例句：掉晒啲冇墨嘅筆佢啦，唔使留㗎嘞。
例句：好嘞，聽你講嘞，唔得咁點先？
例句：真係論盡嘞。
例句：啱嘞！
噃(bo3) / 啵(bo3)
解釋：表示提醒或者遊說
例句：唔好睇咁多電視噃。
例句：你聽日要去睇牙醫噃。
例句：你一定要去噃。
噃(bo3) / 啵(bo3)
解釋：表示某樣嘢同講者
例句：「噉即係你都贊成啦？」「噉又唔係噃。」
例句：條裙都幾靚噃。
噶(gaa3)
解釋：助詞「㗎」
嚟 / 來 (lai4/lei4)
解釋：加喺名詞句句尾，用途近似「係」，用嚟強調句中嗰兩樣嘢
例句：佢好人嚟㗎！
例句：咩嚟㗎？
例句：呢支酒好嘢嚟喎！
嚟 / 來 (lai4/lei4)
解釋：放喺動詞短語之後，表示動作／事件啱啱過咗去
例句：頭先落雨嚟喎。
例句：我呢排見過佢嚟。
囉(lo1) / 囖(lo1)
解釋：用嚟指出一樣嘢顯而易見，但係原先
例句：#咩囉！
例句：#係囉！
例句：架車咪喺對面囉，噉都睇唔到！
囉(lo1) / 囖(lo1)
解釋：用嚟講解因由、原因
例句：我以前唔肯努力，而家咪搞到咁囉。
例句：未衝線就慶祝？ 結果咪咁囉！
囉(lo1) / 囖(lo1)
解釋：用嚟列舉
例句：我平日有咩做？冇㗎，落公園散下步，同啲街坊吹下水咁囉。
例句：屋企有豆腐、蛋、瘦肉同番茄囉。
囉(lo1) / 囖(lo1)
解釋：用嚟表達自己強烈嘅意見，好多時係反對或關於負面嘅嘢
例句：唔係囉。
例句：我唔同意囉！
例句：佢一定唔會鍾意你囉。
例句：你鍾意點咪點囉。
例句：甲：「方丈真係好小器呀！」乙：「係囉！」
囉(lo1) / 囖(lo1)
解釋：表示無奈或者勉強
例句：上頭叫到，唯有做囉。
例句：對唔住囉，最多請你飲汽水囉。
例句：甲：「呢個項目由你負責得唔得？」乙：「哦，好囉⋯」
囉(lo3) / 咯(lo3) / 嘍(lo3)
解釋：用喺助詞「喎」、「噃」或者「可」前面，「喇」嘅變音
例句：好囉喎！
囉(lo3) / 咯(lo3) / 嘍(lo3)
解釋：知道、聽到、見到變化或者事件嘅時候，用嚟表達自己對件事係好係壞嘅判斷
例句：好囉，做完喇！
例句：弊囉，唔見晒啲嘢。
例句：咁多好嘢食，開心死佢囉！
例句：該煨囉！
囉(lo3) / 咯(lo3) / 嘍(lo3)
解釋：喺狀況有轉變嘅時候，用嚟帶出自己覺得理所當然嘅決定
例句：唔要囉，我好飽喇。
例句：走囉，再唔走就冇車喇。
囉(lo3) / 咯(lo3) / 嘍(lo3)
解釋：邀請對方一齊做啲嘢
例句：落街行下囉？
例句：開始囉？
囉(lo4)
解釋：肯定咁回答
例句：佢唔想去囉。
囉(lo4)
解釋：建議一齊做啲嘢
例句：不如食M記囉。
定啦(ding2 laa1) / 頂啦(ding2 laa1)
解釋：定嘞；對事態作出推斷、揣測之後，表示肯定
例句：電話冇人聽，佢唔喺屋企定啦。
定啦(ding2 laa1) / 頂啦(ding2 laa1)
解釋：確認事態，表示理所當然、一定係噉
例句：我實知定啦。
定喇(ding2 laak3(ding2 laa3) / 頂喇(ding2 laak3(ding2 laa3) / 定嘞(ding2 laak3) / 頂嘞(ding2 laak3)
解釋：用喺句尾，對事態作出推斷、揣測之後，表達肯定
例句：你實係想死定嘞。
既(ge3) / ge(ge3)
解釋：嘅嘅假借字
添(tim1) / 㖭(tim1) / 𠻹(tim1)
解釋：放喺句末，有附加嘅意味，多數同「仲」連用
例句：佢唔止高，仲好瘦添。
例句：佢唔止做嘢慢，仲好唔小心添。
例句：冇肥到，重瘦咗添。
例句：再加多兩茶匙添。
例句：唔該要多兩杯添吖。
添(tim1) / 㖭(tim1) / 𠻹(tim1)
解釋：表示而家先為意到自己嘅錯失
例句：吖！唔記得咗拎手提㖭！
例句：哎吔！遲咗㖭！
例句：聽日去唔到食飯添。
例句：弊！冇咗件事添！
罷啦(baa2 laa1) / #罷喇(baa2 laa1)
解釋：用嚟加喺提議或請求後面，叫人改變主意。
例句：你都係走罷喇，人哋又唔想見你。
𠺝(gaak3) / 格(gaak3)
解釋：「㗎」嘅強化變體，表示否定對方原有前設，並且十分之肯定、支持或者有信心，並且表達本應如此、理所當然而毋須懷疑嘅涵義；好多時同「梗」、「實」、「一定」連用
例句：你實幫住佢𠺝。
例句：人終須一死，梗𠺝。
例句：去到𠺝，行過去囉。
𠺝(gaak3) / 格(gaak3)
解釋：喺講者覺得有啲嘢出奇嗰陣，用嚟重覆自己嘅理解，從而帶出疑問、質疑或者轉折；好多時同「明明」、「應該」、「照計」連用
例句：明明唔係噉樣𠺝！
例句：我記得噉行去到𠺝，搞咩呢？
例句：我有就晒你𠺝，點解你仲要去滾啊？
𠺝(gaak3) / 格(gaak3)
解釋：喺某啲否定形式表示冇咩大不了
例句：冇𠺝，咪用盡所有辦法照做囉。
例句：佢大你之嘛，冇乜嘢𠺝。
𠺢嘛(gaa1 maa3) / 加嘛(gaa1 maa3) / 㗎嘛(gaa1 maa3) / #架嘛(gaa1 maa3)
解釋：嘅同吖嘛嘅合音；加喺句子後面，表示呢一個係對方理應知道嘅事，或者係必然會認同嘅判斷
例句：自然嘅嘢唔一定就係好𠺢嘛。
例句：佢傻𠺢嘛，使乜理佢唧？
例句：你大條道理𠺢嘛，唔使怕。
𠿪(gaa2) / 㗎(gaa2)
例句：佢肯聽先得𠿪！
例句：咪以為係拖板就插幾多嘢都得𠿪，會燒fuse㗎。
- 粵典中央決策組．小編 S
---------------------------
ge lu 㖭 㗎 來 可 吓 吖 呀 呃 呢 咋 咓 咖 咧 咩 咯 哩 唧 啊 啝 啦 啩 啫 啵 喂 喇 喎 喳 嗄 嗎 嗬 嗱 嗻 嘅 嘍 嘎 嘛 嘞 噃 噶 嚕 嚟 嚹 囉 囖 既 格 添 𠺝 𠻹 𠾵 𠿪 𡃉 㗎嘛 之嘛 加嘛 吖嗎 吖嗱 吖嘛 吖笨 呀嘛 咋嘛 啫嘛 喳嘛 定啦 定喇 定嘞 #架嘛罷啦 #罷喇頂啦 頂喇 頂嘞 𠺢嘛
----------------------------
lu(lu3) / 嚕(lu3)
解釋：表達自己覺得慶幸、輕鬆嘅狀態轉變
例句：我買到飛lu。
例句：做完功課嚕！
例句：我入咗中大lu，唔使考DSE。
例句：我感冒好返晒，唔使再食藥嚕。
例句：瞓醒就冇事嚕。
lu(lu3) / 嚕(lu3)
解釋：用嚟講出自己或者大家準備做嘅行動
例句：我哋去睇戲lu。
例句：你仲未做完嘢呀？咁我自己走先嚕。
㗎(gaa3) / 咖(gaa3) / 𡃉(gaa3)
解釋：表示疑問
例句：講真定講假㗎？
㗎(gaa3) / 咖(gaa3) / 𡃉(gaa3)
解釋：表示感嘆
例句：好貴㗎！
㗎(gaa4) / 嘎(gaa4)
解釋：表示同自己嘅諗法唔同，想同對方確認
例句：乜係噉㗎？
例句：真係㗎？
例句：你整㗎？
㗎(gaa4) / 嘎(gaa4)
解釋：用於反詰，有啲怪緊對方
例句：你傻㗎？
例句：唔係你以為我講笑㗎？
之嘛(zi1 maa3) / 啫嘛(ze1 maa3) / 咋嘛(zaa1 maa3) / 喳嘛(zaa1 maa3)
解釋：加喺句尾，表示一件事其實冇大家諗得咁特別
例句：佢考試得嗰八十分，都唔係好勁之嘛。
例句：個測驗好簡單喳嘛，咁都肥佬。
例句：一千蚊啫嘛，我都俾得起啦。
可(ho2) / 嗬(ho2)
解釋：加喺句尾，用黎叫對方確認自己嘅假設
例句：你唔要㗎喇可？
例句：好聽呀可？
例句：你唔識我㗎可？
吓(haa2) / 嗄(haa2)
解釋：加喺句尾，表示啱啱嘅內容係雙方嘅共識，要求對方確認
例句：就噉話啦吓！
例句：快啲做晒啲功課啊吓！
吖(aa1)
解釋：用喺主題之後，表達說話者對主題貶斥或者鄙視
例句：睇下佢吖，緊張成噉喎！
例句：你吖！噉樣對我？
吖(aa1)
解釋：通常用喺形容詞＋到後面，取代本身用嚟描述程度嘅補語，以表示難以言喻
例句：你班友貪心到吖！
例句：佢女朋友靚到吖，真係！
吖(aa1)
解釋：加喺帶述說動詞嘅分句之後，用嚟表示態度坦誠
例句：老實講吖，⋯
例句：講開又講吖，⋯
吖(aa1)
解釋：語氣中隱含不滿、不快，又或者對自己所講嘅嘢表示不以為然
例句：佢攞影后唔出奇吖。
吖(aa1)
解釋：放喺問句度表示質疑
例句：你試過未吖？
例句：佢而家去咗未吖？
例句：噉你而家即係想點吖？
吖(aa1)
解釋：係祈使句入面使用，可以令語氣婉轉啲，冇咁強硬
例句：你示範一次俾我睇吖。
例句：開門俾我吖。
例句：我哋不如講吓買車吖。
例句：你要幾多個橙啊？五個吖。
吖(aa1)
解釋：用嚟提出一啲對方似乎唔認同嘅正面意見
例句：呢條裙幾好睇吖。
例句：其實你一啲都唔肥吖。
吖嗱(aa1 naa4)
解釋：放喺對方無視自己權威嘅行為或者說話之後，如果係假定句就係用嚟帶出後面嘅警告、恐嚇，如果係已經發生嘅就帶出相應行動
例句：你夠膽去吖嗱，我腳都毆跛你！
例句：唔使溫書吖嗱！而家考試唔合格喇。
吖嘛(aa1 maa3) / 吖嗎(aa1 maa3)
解釋：用嚟帶出一啲對方理應知道，或者顯然而見嘅事實
例句：你知唔知佢去咗邊啊？法國吖嗎。
例句：費事俾人誤會吖嗎。
例句：你唔知咩？佢問阿媽借錢吖嗎。
吖嘛(aa1 maa3) / 吖嗎(aa1 maa3)
解釋：喺問句度，用嚟確認一啲自己覺得肯定係啱嘅嘢
例句：你冇事吖嗎？
例句：架車三點鐘到吖嗎？
吖笨(aa1 ban6)
解釋：放喺句尾，表示挑釁
例句：打我吖笨！
例句：告我吖笨！
呀(aa3) / 啊(aa3)
解釋：用喺句尾、停頓之前，令句子冇咁突兀
例句：唔知啊。
例句：啱啊。
例句：我買咗部相機啊。
例句：唔係啊，你搭錯車喇。
呀(aa3) / 啊(aa3)
解釋：用喺句尾去軟化口氣
例句：我冇話過唔同意你講嘅嘢呀。
例句：我冇怪佢啊。
呀(aa3) / 啊(aa3)
解釋：列舉嘅時候，加喺每個項目之後
例句：咖啡呀，奶茶呀，檸茶呀，一般嘅飲品我哋都有。
例句：我哋都係行街呀，食飯呀，睇戲呀噉囉。
呀(aa3) / 啊(aa3)
解釋：用喺兩極
例句：條裙靚唔靚啊？
例句：你係咪唔舒服啊？
例句：點解佢自殺啊？
例句：咩事啊？
例句：而家幾點啊？
呀(aa3) / 啊(aa3)
解釋：拉長讀嘅時候，表示唔耐煩
例句：你呀，同我做晒啲嘢呀～
例句：仲有啊，唔好再跟住我啊。
呀(aa3) / 啊(aa3)
解釋：表達興高采烈嘅語氣
例句：套戲真係好正呀！
呀(aa4)
解釋：以疑問嘅語氣請對方確認、向對方求證
例句：乜唔係佢呀？
例句：你食緊飯呀？
例句：噉呀，聽日先算囉。
例句：哥哥呀，我想問你呢個字係咪咁寫。
呀(aa4)
解釋：同「都」一齊用，表示無可奈何
例句：佢都唔去呀。
例句：我都唔知佢住喺邊呀。
呃(aak3)
解釋：用嚟否定某種預設或者立場
例句：唔係呃，頭先佢仲喺位個噃。
例句：幅牆紙淨色，睇落清清哋都幾好呃。
呃(aak3)
解釋：接受提議，意味住事情可以解決
例句：好呃，就去飲茶吖。
呢(le1)
解釋：用嚟半勸半請，語氣比較柔弱
例句：唔好玩呢，好肉酸㗎。
例句：去呢，乖乖哋呢，老公！
例句：俾返佢呢，咪整喊佢呢。
呢(le4) / 咧(le4)
解釋：希望對方同意做自己提議嘅動作，而且有信心對方願意採納
例句：我同你調位呢。
例句：噉呢，佢代你去，好唔好？
例句：我哋做個交易呢。
例句：既然係佢小小心意咯，收咗佢呢。
呢(ne1)
解釋：問句後面嘅疑問助詞，表示自己思考緊呢個問題
例句：你搭緊地鐵定巴士呢？
例句：張紙去咗邊呢？
例句：係咪真係噉呢？
例句：食唔食蛋撻好呢？
例句：然後呢？
例句：噉你呢？
例句：何必呢？
呢(ne1)
解釋：提問嘅時候，表示好有信心自己猜測得準確，有啲認叻嘅意味；會明顯拖長
例句：佢係咪食唔慣西餐呢？
例句：你識唔識得呢個女仔呢？
呢(ne1)
解釋：喺從句後面標示話題，後面嘅內容會圍繞住呢個話題
例句：即係呢，我唔係咁鍾意同佢坐埋一齊囉。
例句：但係死腔呢，唔會好嘈嘅咩？
例句：如果呢個人打電話嚟呢，你同佢話我唔喺度吖。
呢(ne1)
解釋：冇特定意思，純粹填充以換取時間
例句：如果呢，我呢，即係呢，而家又覺得呢，唔係好想去，你唔會怪我㗎嗬？
呢(ne1)
解釋：通常喺埋怨或者責怪嘅時候，拖長嚟講，用嚟省略後面想表達嘅負面諗法
例句：你鋪話法呢……
例句：嚇得我吖！真係呢……
呢(ne1)
解釋：「幾＋形容詞＋呢」嘅形式，表示唔耐煩
例句：你睇下佢幾論盡呢！
呢(ne1)
解釋：發音矩促，用於是非問句形式嘅反問，有怪責對方唔理自己提醒嘅意味
例句：係咪衰呢？都話唔好爭咯，而家爛咗冇得玩啦！
例句：嗱，撞親嘞。係咪曳呢？咁貪玩！
例句：提咗你㗎啦，係咪呢？
咋(zaa3)
解釋：只會用係句尾；表示只係、淨係；數量、程度等等冇預計咁多咁高
例句：我講笑咋。
例句：差少少咋。
咋(zaa4) / 喳(zaa4)
解釋：表示程度少過、低過講者喺對方陳述實況之前嘅預期
例句：一個月咋？
例句：噉咋？
咋(zaa5) / 𠾵(zaa5)
解釋：放喺句尾，用嚟表達自己啱啱發現一樣嘢冇想像咁多、咁高
例句：乜三個人咋？
例句：係噉咋？易過借火啦。
咓(aa5) / 呀(aa5) / 呀嘛(aa6 maa5) / 嘛(maa5)
解釋：放喺句子嘅尾，用嚟表達自己啱啱明白咗啲嘢，複述多次去確認
例句：呢本書你鍾意咓？我送俾你啦。
例句：哦！佢唔精神咓？由得佢囉。
咓(aa5) / 呀(aa5) / 呀嘛(aa6 maa5) / 嘛(maa5)
解釋：更正對方嘅時候，放喺句末用嚟表達質疑嘅態度
例句：呢度總數係一百蚊呀嘛？
咓(aa5) / 呀(aa5) / 呀嘛(aa6 maa5) / 嘛(maa5)
解釋：放喺句子嘅尾，用嚟確認最壞嘅情況有冇發生；通常同否定句一齊用
例句：佢唔係買曼聯咁傻仔咓？
例句：你唔會冇帶到銀包咓？
例句：做乜咁唔開心呀？今日冧市，你唔係有貨喺手咓？
例句：唔係呀嘛？你講真㗎？
例句：你冇嘢嘛？
咓(aa5) / 呀(aa5) / 呀嘛(aa6 maa5) / 嘛(maa5)
解釋：可以加喺其他助詞後面，組成複合助詞
例句：𠿪；㗎嘛
例句：咋；咋嘛
例句：哪；#哪嘛
咩(me1)
解釋：用嚟構成是非問句，表示疑問、質疑、驚訝，讀起嚟語調短促
例句：你良心過意得去咩？
例句：咁做好咩？
例句：你唔驚佢嬲咩？
例句：你鍾意佢咩？
例句：乜你今日唔駛返學咩？
例句：乜你唔去咩？
咩(me1)
解釋：用喺反詰問句，帶有否定嘅口氣，會讀成高降調，可以拉長
例句：我呃你有獎咩？
例句：同你有親咩！黐到咁埋！
例句：唔想返工都要返㗎，唔使食飯咩？我又唔係二世祖。
例句：你當我傻嘅咩？
例句：你唔同佢嘈，佢就唔會同你嘈㗎喇咩？
例句：藝術我識條鐵咩？
咯(lok3)
解釋：用嚟覆述自己或者人哋講過嘅嘢，唔耐煩嗰時用
例句：都話唔要咯。
咯(lok3)
解釋：用作反駁，通常同副詞「夠」連用
例句：獎盃之嘛，我夠有咯。
例句：你話我蠢才，我夠話你白癡咯。
例句：我夠係佢同學咯，又唔見佢咁好心機教我？
咯(lok3)
解釋：放喺複句嘅上句入面，上接理由，下接後續嘅行動
例句：我見個個都未走咯，我咪繼續做嘢囉。
哩(le5) / 咧(le5)
解釋：指出有嘢可以印證自己嘅預料、判斷、觀察正確
例句：個肚咕咕聲打晒鼓噉，肚餓哩？
例句：咁得閒搵我，同條女散咗哩？
哩(le5) / 咧(le5)
解釋：加喺形容詞後面，用嚟認叻
例句：我今年考試科科攞Ａ，威哩？
例句：型哩？
哩(le5) / 咧(le5)
解釋：加喺同能力、成就有關嘅句子最尾，用嚟貶低聽嘅人
例句：估唔到哩？
例句：跑幾步就冇氣哩？
哩(le5) / 咧(le5)
解釋：堅持自己嘅睇法、決定
例句：唔係哩，佢哋都冇出過去哩。
例句：我真係去唔到哩。
唧(zek1) / 啫(zek1)
解釋：作遊說之意
例句：你唔好去唧！
例句：佢咁衰，我哋杯葛佢唧！
唧(zek1) / 啫(zek1)
解釋：好強烈噉表示疑問以至質疑，有啲埋怨對方一直唔解答
例句：究竟點解唧？你重未話我知噃。
例句：你制唔制唧？
例句：做咩唧你？
唧(zek1) / 啫(zek1)
解釋：親密，語帶陰柔
例句：你今日好靚唧！
唧(zek1) / 啫(zek1)
解釋：表示慶幸；通常同「好彩」連用
例句：好彩有帶遮啫，唔係實變落湯雞。
啝(wo4) / 喎(wo4)
解釋：表示感到出奇，事情同期望嘅有唔同
例句：琴日我見到佢嗰陣，佢扮唔識我啝。
啦(laa1)
解釋：加喺句末，用嚟表達請求或者提議
例句：個盒你攞去啦！我唔用㗎。
例句：唔好等喇，走啦！
啦(laa1)
解釋：暗示該句子嘅內容係常識或者係固有知識
例句：我一早就話咗要去美國啦。
啦(laa1)
解釋：用嚟列舉
例句：枱上面有好多生果，蘋果啦，橙啦，香蕉啦，你鍾意食乜就揀乜啦。
啦(laa1)
解釋：反諷嘅時候，用嚟以扮讚許、恭喜對方嘅方式去表達不滿
例句：你開心啦？
例句：發咗達，唔識人啦？
啩(gwaa3)
解釋：用喺句末，表示自己
例句：我諗我會嚟食飯啩。
例句：應該得啩。
例句：我估應該有廿個人啩。
啩(gwaa3)
解釋：用喺句尾，委婉噉指出對方錯誤；睇嚟；睇怕
例句：唔係啩？
例句：又係我？唔好喇啩。
啫(ze1) / 嗻(ze1)
解釋：帶出「只不過係噉」、「輕微」、「冇乜嘢」嘅意思
例句：噉啫下話？
例句：搵食啫，犯法呀？
喂(wai3/wei3)
解釋：表示建議、鼓勵、慫恿
例句：食飯喇喂。
例句：正呀喂！
例句：不如啤啤佢啦喂。
喂(wai3/wei3)
解釋：表示不滿
例句：亞視嚟嘅喂？！
例句：唔得嘅喂？！
喇(laa3) / 嚹(laa3)
解釋：放喺句尾，標示而家事物狀態有所變更
例句：三點三喇，去食下午茶啦！
例句：今鋪我玩完喇。
例句：我做埋今日就退休喇。
喇(laa3) / 嚹(laa3)
解釋：用嚟表達自己嘅決定，通常同「都係」一齊用
例句：今日我唔返工喇，有啲唔舒服。
例句：我都係買電子書喇，實體書咁重。
喎(wo3)
解釋：強調主觀感覺
例句：佢遲到喎！
例句：好喇喎！
例句：咁辣都食到喎我。
例句：我頭先食咗嘢㗎喇喎。
喎(wo3)
解釋：用喺句子停頓
例句：記住喎，洗埋衫先好瞓啊！
喎(wo5)
解釋：轉述人哋嘅說話，多數係澄清埋唔關講嗰個人事，講者只係負責轉述
例句：媽咪話唔好飲汽水喎！
例句：佢話係咁喎，我唔知㗎。
喎(wo5)
解釋：用於基於同事實嘅轉折嘅反諷
例句：嗰位朋友喇喎，就冇乜風度喇。
例句：咁容易畀人呃，仲話係大學教授喎。
例句：精英喎？睇過。
嗎(maa3) / 嘛(maa3)
解釋：用喺句尾「吖」「啦」「#𠺢」「喳」後面，用嚟表達強調或者確認
例句：你唔嚟就早講吖嗎！
例句：你係唔要啦嗎，我掉咗佢架喇。
例句：你又唔講，我唔知你點諗𠺢嗎！
嗱(laa4)
解釋：用喺問句後面，表示想對方確定
例句：食咗嘢嗱？
例句：走嗱？
嘅(ge2)
解釋：表示疑問，用嚟詢問原因
例句：點解嘅？
例句：乜你重喺度嘅？
例句：你做乜唔走嘅？
例句：你搞咩嚟啊？周身傷嘅？
例句：收唔到訊號嘅？
嘅(ge2)
解釋：以詰問形式表示感歎
例句：又會咁啱嘅？
例句：噉重成世界嘅？
例句：唔畀人行都有嘅？
例句：粒士多啤梨咁酸嘅！
例句：隻玩具熊咁得意嘅，邊度買㗎？
例句：仆你個街，亞視嚟嘅！
例句：呢度都唔好玩嘅，走喇。
例句：人家講得咁白，你都仲唔明解嘅。
例句：超！流嘅！
例句：你份人都冇解嘅！
例句：噉嘅服務態度，都唔知係咪做生意嘅！
嘅(ge2)
解釋：陳述嘅時候弱化語氣，表示疑惑、猶豫；有時會拖長啲嚟講
例句：都好嘅都好嘅……
例句：聽日會嚟嘅。
例句：OK嘅。
例句：你都講得啱嘅。
嘅(ge2)
解釋：弱化陳述語氣，輕描淡寫
例句：擦損咗少少啫，冇咩嘅。
例句：畫啦，張紙唔重要嘅。
例句：街度攞㗎，唔使錢嘅。
例句：「咦，乜咁錯蕩啊？」「哦，我嚟搵阿晴嘅。」
例句：噉佢又真係幫唔落嘅。
嘅(ge2)
解釋：好多時同「咪」或者「又係」一齊用，提醒對方過去發生嘅事
例句：噚晚你咪話你買咗拼圖返屋企砌嘅，砌成點啊而家？
例句：我哋嗰次咪去食飯嘅，撞到嗰個咪阿傑囉。
例句：又係你話嘅，閒事莫理吖嘛。
嘅(ge2)
解釋：喺舉出事實辯解嘅時候用
例句：我叫佢咁做嘅，邊關佢事唧？
例句：乜條裙真係唔靚咩？我男朋友讚我着得好睇我先買嘅。
嘅(ge3)
解釋：表示對某件事有信心、肯定，強調句子真確
例句：我知道你一定會幫我嘅。
例句：唔使用劍嘅，用黑旋風
例句：係我叫佢咁做嘅。
例句：冇事嘅。
例句：就噉嘅，呢段錄音已經打好咗嘞，跟住使唔使翻聽對稿？
嘅(ge3)
解釋：表示唔相信，好多時會同「又會」連用
例句：敵人嘅敵人就一定係自己嘅朋友嚟嘅？
嘞(laak3)
解釋：感嘆語氣，有完結或者完成嘅意思，語氣比喇更加肯定
例句：你噉做就啱嘞。
例句：我做完功課嘞。
例句：掉晒啲冇墨嘅筆佢啦，唔使留㗎嘞。
例句：好嘞，聽你講嘞，唔得咁點先？
例句：真係論盡嘞。
例句：啱嘞！
噃(bo3) / 啵(bo3)
解釋：表示提醒或者遊說
例句：唔好睇咁多電視噃。
例句：你聽日要去睇牙醫噃。
例句：你一定要去噃。
噃(bo3) / 啵(bo3)
解釋：表示某樣嘢同講者
例句：「噉即係你都贊成啦？」「噉又唔係噃。」
例句：條裙都幾靚噃。
噶(gaa3)
解釋：助詞「㗎」
嚟 / 來 (lai4/lei4)
解釋：加喺名詞句句尾，用途近似「係」，用嚟強調句中嗰兩樣嘢
例句：佢好人嚟㗎！
例句：咩嚟㗎？
例句：呢支酒好嘢嚟喎！
嚟 / 來 (lai4/lei4)
解釋：放喺動詞短語之後，表示動作／事件啱啱過咗去
例句：頭先落雨嚟喎。
例句：我呢排見過佢嚟。
囉(lo1) / 囖(lo1)
解釋：用嚟指出一樣嘢顯而易見，但係原先
例句：#咩囉！
例句：#係囉！
例句：架車咪喺對面囉，噉都睇唔到！
囉(lo1) / 囖(lo1)
解釋：用嚟講解因由、原因
例句：我以前唔肯努力，而家咪搞到咁囉。
例句：未衝線就慶祝？ 結果咪咁囉！
囉(lo1) / 囖(lo1)
解釋：用嚟列舉
例句：我平日有咩做？冇㗎，落公園散下步，同啲街坊吹下水咁囉。
例句：屋企有豆腐、蛋、瘦肉同番茄囉。
囉(lo1) / 囖(lo1)
解釋：用嚟表達自己強烈嘅意見，好多時係反對或關於負面嘅嘢
例句：唔係囉。
例句：我唔同意囉！
例句：佢一定唔會鍾意你囉。
例句：你鍾意點咪點囉。
例句：甲：「方丈真係好小器呀！」乙：「係囉！」
囉(lo1) / 囖(lo1)
解釋：表示無奈或者勉強
例句：上頭叫到，唯有做囉。
例句：對唔住囉，最多請你飲汽水囉。
例句：甲：「呢個項目由你負責得唔得？」乙：「哦，好囉⋯」
囉(lo3) / 咯(lo3) / 嘍(lo3)
解釋：用喺助詞「喎」、「噃」或者「可」前面，「喇」嘅變音
例句：好囉喎！
囉(lo3) / 咯(lo3) / 嘍(lo3)
解釋：知道、聽到、見到變化或者事件嘅時候，用嚟表達自己對件事係好係壞嘅判斷
例句：好囉，做完喇！
例句：弊囉，唔見晒啲嘢。
例句：咁多好嘢食，開心死佢囉！
例句：該煨囉！
囉(lo3) / 咯(lo3) / 嘍(lo3)
解釋：喺狀況有轉變嘅時候，用嚟帶出自己覺得理所當然嘅決定
例句：唔要囉，我好飽喇。
例句：走囉，再唔走就冇車喇。
囉(lo3) / 咯(lo3) / 嘍(lo3)
解釋：邀請對方一齊做啲嘢
例句：落街行下囉？
例句：開始囉？
囉(lo4)
解釋：肯定咁回答
例句：佢唔想去囉。
囉(lo4)
解釋：建議一齊做啲嘢
例句：不如食M記囉。
定啦(ding2 laa1) / 頂啦(ding2 laa1)
解釋：定嘞；對事態作出推斷、揣測之後，表示肯定
例句：電話冇人聽，佢唔喺屋企定啦。
定啦(ding2 laa1) / 頂啦(ding2 laa1)
解釋：確認事態，表示理所當然、一定係噉
例句：我實知定啦。
定喇(ding2 laak3(ding2 laa3) / 頂喇(ding2 laak3(ding2 laa3) / 定嘞(ding2 laak3) / 頂嘞(ding2 laak3)
解釋：用喺句尾，對事態作出推斷、揣測之後，表達肯定
例句：你實係想死定嘞。
既(ge3) / ge(ge3)
解釋：嘅嘅假借字
添(tim1) / 㖭(tim1) / 𠻹(tim1)
解釋：放喺句末，有附加嘅意味，多數同「仲」連用
例句：佢唔止高，仲好瘦添。
例句：佢唔止做嘢慢，仲好唔小心添。
例句：冇肥到，重瘦咗添。
例句：再加多兩茶匙添。
例句：唔該要多兩杯添吖。
添(tim1) / 㖭(tim1) / 𠻹(tim1)
解釋：表示而家先為意到自己嘅錯失
例句：吖！唔記得咗拎手提㖭！
例句：哎吔！遲咗㖭！
例句：聽日去唔到食飯添。
例句：弊！冇咗件事添！
罷啦(baa2 laa1) / #罷喇(baa2 laa1)
解釋：用嚟加喺提議或請求後面，叫人改變主意。
例句：你都係走罷喇，人哋又唔想見你。
𠺝(gaak3) / 格(gaak3)
解釋：「㗎」嘅強化變體，表示否定對方原有前設，並且十分之肯定、支持或者有信心，並且表達本應如此、理所當然而毋須懷疑嘅涵義；好多時同「梗」、「實」、「一定」連用
例句：你實幫住佢𠺝。
例句：人終須一死，梗𠺝。
例句：去到𠺝，行過去囉。
𠺝(gaak3) / 格(gaak3)
解釋：喺講者覺得有啲嘢出奇嗰陣，用嚟重覆自己嘅理解，從而帶出疑問、質疑或者轉折；好多時同「明明」、「應該」、「照計」連用
例句：明明唔係噉樣𠺝！
例句：我記得噉行去到𠺝，搞咩呢？
例句：我有就晒你𠺝，點解你仲要去滾啊？
𠺝(gaak3) / 格(gaak3)
解釋：喺某啲否定形式表示冇咩大不了
例句：冇𠺝，咪用盡所有辦法照做囉。
例句：佢大你之嘛，冇乜嘢𠺝。
𠺢嘛(gaa1 maa3) / 加嘛(gaa1 maa3) / 㗎嘛(gaa1 maa3) / #架嘛(gaa1 maa3)
解釋：嘅同吖嘛嘅合音；加喺句子後面，表示呢一個係對方理應知道嘅事，或者係必然會認同嘅判斷
例句：自然嘅嘢唔一定就係好𠺢嘛。
例句：佢傻𠺢嘛，使乜理佢唧？
例句：你大條道理𠺢嘛，唔使怕。
𠿪(gaa2) / 㗎(gaa2)
例句：佢肯聽先得𠿪！
例句：咪以為係拖板就插幾多嘢都得𠿪，會燒fuse㗎。
全文 5481 字 (唔計英文、空格、標點)