(beta 公測版本)
< 返回

《廣東話 句末助詞 列表》

日期:2020年10月11日
呢個句末助詞列表係以《粵典》嘅內容自動產生出嚟,想睇字詞嘅詳細解釋可以撳入啲 link 度。個 list 未必最齊,不過應該齊過絕大部份你會搵到嘅嘅 list。希望幫到大家啦 ^O^/

- 粵典中央決策組.小編 S
---------------------------
ge lu 𠺝 𠻹 𠾵 𠿪 𡃉 㗎嘛 之嘛 加嘛 吖嗎 吖嗱 吖嘛 吖笨 呀嘛 咋嘛 啫嘛 喳嘛 定啦 定喇 定嘞 架嘛 罷啦 罷喇 頂啦 頂喇 頂嘞 𠺢嘛
----------------------------

lu(lu3) / (lu3)
解釋:表達自己覺得慶幸、輕鬆嘅狀態轉變
例句:我買到飛lu。
例句:做完功課嚕!
例句:我入咗中大lu,唔使考DSE。
例句:我感冒好返晒,唔使再食藥嚕。
例句:瞓醒就冇事嚕。

lu(lu3) / (lu3)
解釋:用嚟講出自己或者大家準備做嘅行動
例句:我哋去睇戲lu。
例句:你仲未做完嘢呀?咁我自己走先嚕。

(gaa3) / (gaa3) / 𡃉(gaa3)
解釋:表示疑問
例句:講真定講假㗎?

(gaa3) / (gaa3) / 𡃉(gaa3)
解釋:表示感嘆
例句:好貴㗎!

(gaa4) / (gaa4)
解釋:表示同自己嘅諗法唔同,想同對方確認
例句:乜係噉㗎?
例句:真係㗎?
例句:你整㗎?

(gaa4) / (gaa4)
解釋:用於反詰,有啲怪緊對方
例句:你傻㗎?
例句:唔係你以為我講笑㗎?

之嘛(zi1 maa3) / 啫嘛(ze1 maa3) / 咋嘛(zaa1 maa3) / 喳嘛(zaa1 maa3)
解釋:加喺句尾,表示一件事其實冇大家諗得咁特別
例句:佢考試得嗰八十分,都唔係好勁之嘛。
例句:個測驗好簡單喳嘛,咁都肥佬。
例句:一千蚊啫嘛,我都俾得起啦。

(ho2) / (ho2)
解釋:加喺句尾,用黎叫對方確認自己嘅假設
例句:你唔要㗎喇可?
例句:好聽呀可?
例句:你唔識我㗎可?

(haa2) / (haa2)
解釋:加喺句尾,表示啱啱嘅內容係雙方嘅共識,要求對方確認
例句:就噉話啦吓!
例句:快啲做晒啲功課啊吓!

(aa1)
解釋:用喺主題之後,表達說話者對主題貶斥或者鄙視
例句:睇下佢吖,緊張成噉喎!
例句:你吖!噉樣對我?

(aa1)
解釋:通常用喺形容詞+後面,取代本身用嚟描述程度嘅補語,以表示難以言喻
例句:你班友貪心到吖!
例句:佢女朋友靚到吖,真係!

(aa1)
解釋:加喺帶述說動詞嘅分句之後,用嚟表示態度坦誠
例句:老實講吖,⋯
例句:講開又講吖,⋯

(aa1)
解釋:語氣中隱含不滿、不快,又或者對自己所講嘅嘢表示不以為然
例句:佢攞影后唔出奇吖。

(aa1)
解釋:放喺問句度表示質疑
例句:你試過未吖?
例句:佢而家去咗未吖?
例句:噉你而家即係想點吖?

(aa1)
解釋:係祈使句入面使用,可以令語氣婉轉啲,冇咁強硬
例句:你示範一次俾我睇吖。
例句:開門俾我吖。
例句:我哋不如講吓買車吖。
例句:你要幾多個橙啊?五個吖。

(aa1)
解釋:用嚟提出一啲對方似乎唔認同嘅正面意見
例句:呢條裙幾好睇吖。
例句:其實你一啲都唔肥吖。

吖嗱(aa1 naa4)
解釋:放喺對方無視自己權威嘅行為或者說話之後,如果係假定句就係用嚟帶出後面嘅警告、恐嚇,如果係已經發生嘅就帶出相應行動
例句:你夠膽去吖嗱,我腳都毆跛你!
例句:食飯冇錢俾吖嗱,同我拖入後巷放狗咬佢!
例句:唔使溫書吖嗱!而家考試唔合格喇。

吖嘛(aa1 maa3) / 吖嗎(aa1 maa3)
解釋:用嚟帶出一啲對方理應知道,或者顯然而見嘅事實
例句:你知唔知佢去咗邊啊?法國吖嗎。
例句:費事俾人誤會吖嗎。
例句:你唔知咩?佢問阿媽借錢吖嗎。

吖嘛(aa1 maa3) / 吖嗎(aa1 maa3)
解釋:喺問句度,用嚟確認一啲自己覺得肯定係啱嘅嘢
例句:你冇事吖嗎?
例句:架車三點鐘到吖嗎?

吖笨(aa1 ban6)
解釋:放喺句尾,表示挑釁
例句:打我吖笨!
例句:告我吖笨!

(aa3) / (aa3)
解釋:用喺句尾、停頓之前,令句子冇咁突兀
例句:唔知啊。
例句:啱啊。
例句:我買咗部相機啊。
例句:唔係啊,你搭錯車喇。

(aa3) / (aa3)
解釋:用喺句尾去軟化口氣
例句:我冇話過唔同意你講嘅嘢呀。
例句:我冇怪佢啊。

(aa3) / (aa3)
解釋:列舉嘅時候,加喺每個項目之後
例句:咖啡呀,奶茶呀,檸茶呀,一般嘅飲品我哋都有。
例句:我哋都係行街呀,食飯呀,睇戲呀噉囉。

(aa3) / (aa3)
解釋:用喺兩極
例句:條裙靚唔靚啊?
例句:你係咪唔舒服啊?
例句:點解佢自殺啊?
例句:咩事啊?
例句:而家幾點啊?

(aa3) / (aa3)
解釋:拉長讀嘅時候,表示唔耐煩
例句:你呀,同我做晒啲嘢呀~
例句:仲有啊,唔好再跟住我啊。

(aa3) / (aa3)
解釋:表達興高采烈嘅語氣
例句:套戲真係好正呀!

(aa4)
解釋:以疑問嘅語氣請對方確認、向對方求證
例句:乜唔係佢呀?
例句:你食緊飯呀?
例句:噉呀,聽日先算囉。
例句:哥哥呀,我想問你呢個字係咪咁寫。

(aa4)
解釋:同「都」一齊用,表示無可奈何
例句:佢都唔去呀。
例句:我都唔知佢住喺邊呀。

(aak3)
解釋:用嚟否定某種預設或者立場
例句:唔係呃,頭先佢仲喺位個噃。
例句:幅牆紙淨色,睇落清清哋都幾好呃。

(aak3)
解釋:接受提議,意味住事情可以解決
例句:好呃,就去飲茶吖。

(le1)
解釋:用嚟半勸半請,語氣比較柔弱
例句:唔好玩呢,好肉酸㗎。
例句:去呢,乖乖哋呢,老公!
例句:俾返佢呢,咪整喊佢呢。

(le4) / (le4)
解釋:希望對方同意做自己提議嘅動作,而且有信心對方願意採納
例句:我同你調位呢。
例句:噉呢,佢代你去,好唔好?
例句:我哋做個交易呢。
例句:既然係佢小小心意咯,收咗佢呢。

(ne1)
解釋:問句後面嘅疑問助詞,表示自己思考緊呢個問題
例句:你搭緊地鐵定巴士呢?
例句:張紙去咗邊呢?
例句:係咪真係噉呢?
例句:食唔食蛋撻好呢?
例句:然後呢?
例句:噉你呢?
例句:何必呢?

(ne1)
解釋:提問嘅時候,表示好有信心自己猜測得準確,有啲認叻嘅意味;會明顯拖長
例句:佢係咪食唔慣西餐呢?
例句:你識唔識得呢個女仔呢?

(ne1)
解釋:喺從句後面標示話題,後面嘅內容會圍繞住呢個話題
例句:即係呢,我唔係咁鍾意同佢坐埋一齊囉。
例句:但係死腔呢,唔會好嘈嘅咩?
例句:如果呢個人打電話嚟呢,你同佢話我唔喺度吖。

(ne1)
解釋:冇特定意思,純粹填充以換取時間
例句:如果呢,我呢,即係呢,而家又覺得呢,唔係好想去,你唔會怪我㗎嗬?

(ne1)
解釋:通常喺埋怨或者責怪嘅時候,拖長嚟講,用嚟省略後面想表達嘅負面諗法
例句:你鋪話法呢……
例句:嚇得我吖!真係呢……

(ne1)
解釋:「+形容詞+呢」嘅形式,表示唔耐煩
例句:你睇下佢幾論盡呢!

(ne1)
解釋:發音矩促,用於是非問句形式嘅反問,有怪責對方唔理自己提醒嘅意味
例句:係咪衰呢?都話唔好爭咯,而家爛咗冇得玩啦!
例句:嗱,撞親嘞。係咪曳呢?咁貪玩!
例句:提咗你㗎啦,係咪呢?

(zaa3)
解釋:只會用係句尾;表示只係淨係;數量、程度等等冇預計咁多咁高
例句:我講笑咋。
例句:差少少咋。

(zaa4) / (zaa4)
解釋:表示程度少過、低過講者喺對方陳述實況之前嘅預期
例句:一個月咋?
例句:噉咋?

(zaa5) / 𠾵(zaa5)
解釋:放喺句尾,用嚟表達自己啱啱發現一樣嘢冇想像咁多、咁高
例句:乜三個人咋?
例句:係噉咋?易過借火啦。

(aa5) / (aa5) / 呀嘛(aa6 maa5) / (maa5)
解釋:放喺句子嘅尾,用嚟表達自己啱啱明白咗啲嘢,複述多次去確認
例句:呢本書你鍾意咓?我送俾你啦。
例句:哦!佢唔精神咓?由得佢囉。

(aa5) / (aa5) / 呀嘛(aa6 maa5) / (maa5)
解釋:更正對方嘅時候,放喺句末用嚟表達質疑嘅態度
例句:呢度總數係一百蚊呀嘛?

(aa5) / (aa5) / 呀嘛(aa6 maa5) / (maa5)
解釋:放喺句子嘅尾,用嚟確認最壞嘅情況有冇發生;通常同否定句一齊用
例句:佢唔係買曼聯咁傻仔咓?
例句:你唔會冇帶到銀包咓?
例句:做乜咁唔開心呀?今日冧市,你唔係有貨喺手咓?
例句:唔係呀嘛?你講真㗎?
例句:你冇嘢嘛?

(aa5) / (aa5) / 呀嘛(aa6 maa5) / (maa5)
解釋:可以加喺其他助詞後面,組成複合助詞
例句:𠿪㗎嘛
例句:咋嘛
例句:;#哪嘛

(me1)
解釋:用嚟構成是非問句,表示疑問、質疑、驚訝,讀起嚟語調短促
例句:你良心過意得去咩?
例句:咁做好咩?
例句:你唔驚佢嬲咩?
例句:你鍾意佢咩?
例句:乜你今日唔駛返學咩?
例句:乜你唔去咩?

(me1)
解釋:用喺反詰問句,帶有否定嘅口氣,會讀成高降調,可以拉長
例句:我呃你有獎咩?
例句:同你有親咩!黐到咁埋!
例句:唔想返工都要返㗎,唔使食飯咩?我又唔係二世祖。
例句:你當我傻嘅咩?
例句:你唔同佢嘈,佢就唔會同你嘈㗎喇咩?
例句:藝術我識條鐵咩?

(lok3)
解釋:用嚟覆述自己或者人哋講過嘅嘢,唔耐煩嗰時用
例句:都話唔要咯。

(lok3)
解釋:用作反駁,通常同副詞「」連用
例句:獎盃之嘛,我夠有咯。
例句:你話我蠢才,我夠話你白癡咯。
例句:我夠係佢同學咯,又唔見佢咁好心機教我?

(lok3)
解釋:放喺複句嘅上句入面,上接理由,下接後續嘅行動
例句:我見個個都未走咯,我咪繼續做嘢囉。

(le5) / (le5)
解釋:指出有嘢可以印證自己嘅預料、判斷、觀察正確
例句:個肚咕咕聲打晒鼓噉,肚餓哩?
例句:咁得閒搵我,同條女散咗哩?

(le5) / (le5)
解釋:加喺形容詞後面,用嚟認叻
例句:我今年考試科科攞A,威哩?
例句:型哩?

(le5) / (le5)
解釋:加喺同能力、成就有關嘅句子最尾,用嚟貶低聽嘅人
例句:估唔到哩?
例句:跑幾步就冇氣哩?

(le5) / (le5)
解釋:堅持自己嘅睇法、決定
例句:唔係哩,佢哋都冇出過去哩。
例句:我真係去唔到哩。

(zek1) / (zek1)
解釋:作遊說之意
例句:你唔好去唧!
例句:佢咁衰,我哋杯葛佢唧!

(zek1) / (zek1)
解釋:好強烈噉表示疑問以至質疑,有啲埋怨對方一直唔解答
例句:究竟點解唧?你重未話我知噃。
例句:你制唔制唧?
例句:做咩唧你?

(zek1) / (zek1)
解釋:親密,語帶陰柔
例句:你今日好靚唧!

(zek1) / (zek1)
解釋:表示慶幸;通常同「好彩」連用
例句:好彩有帶遮啫,唔係實變落湯雞。

(wo4) / (wo4)
解釋:表示感到出奇,事情同期望嘅有唔同
例句:琴日我見到佢嗰陣,佢扮唔識我啝。

(laa1)
解釋:加喺句末,用嚟表達請求或者提議
例句:個盒你攞去啦!我唔用㗎。
例句:唔好等喇,走啦!

(laa1)
解釋:暗示該句子嘅內容係常識或者係固有知識
例句:我一早就話咗要去美國啦。

(laa1)
解釋:用嚟列舉
例句:枱上面有好多生果,蘋果啦,橙啦,香蕉啦,你鍾意食乜就揀乜啦。

(laa1)
解釋:反諷嘅時候,用嚟以扮讚許、恭喜對方嘅方式去表達不滿
例句:你開心啦?
例句:發咗達,唔識人啦?

(gwaa3)
解釋:用喺句末,表示自己
例句:我諗我會嚟食飯啩。
例句:應該得啩。
例句:我估應該有廿個人啩。

(gwaa3)
解釋:用喺句尾,委婉噉指出對方錯誤;睇嚟;睇怕
例句:唔係啩?
例句:又係我?唔好喇啩。

(ze1) / (ze1)
解釋:帶出「只不過係噉」、「輕微」、「冇乜嘢」嘅意思
例句:噉啫下話?
例句:搵食啫,犯法呀?

(wai3/wei3)
解釋:表示建議、鼓勵、慫恿
例句:食飯喇喂。
例句:正呀喂!
例句:不如啤啤佢啦喂。

(wai3/wei3)
解釋:表示不滿
例句:亞視嚟嘅喂?!
例句:唔得嘅喂?!

(laa3) / (laa3)
解釋:放喺句尾,標示而家事物狀態有所變更
例句:三點三喇,去食下午茶啦!
例句:今鋪我玩完喇。
例句:我做埋今日就退休喇。

(laa3) / (laa3)
解釋:用嚟表達自己嘅決定,通常同「都係」一齊用
例句:今日我唔返工喇,有啲唔舒服。
例句:我都係買電子書喇,實體書咁重。

(wo3)
解釋:強調主觀感覺
例句:佢遲到喎!
例句:好喇喎!
例句:咁辣都食到喎我。
例句:我頭先食咗嘢㗎喇喎。

(wo3)
解釋:用喺句子停頓
例句:記住喎,洗埋衫先好瞓啊!

(wo5)
解釋:轉述人哋嘅說話,多數係澄清埋唔關講嗰個人事,講者只係負責轉述
例句:媽咪話唔好飲汽水喎!
例句:佢話係咁喎,我唔知㗎。

(wo5)
解釋:用於基於同事實嘅轉折嘅反諷
例句:嗰位朋友喇喎,就冇乜風度喇。
例句:咁容易畀人呃,仲話係大學教授喎。
例句:精英喎?睇過。

(maa3) / (maa3)
解釋:用喺句尾「」「」「#𠺢」「」後面,用嚟表達強調或者確認
例句:你唔嚟就早講吖嗎!
例句:你係唔要啦嗎,我掉咗佢架喇。
例句:你又唔講,我唔知你點諗𠺢嗎!

(laa4)
解釋:用喺問句後面,表示想對方確定
例句:食咗嘢嗱?
例句:走嗱?

(ge2)
解釋:表示疑問,用嚟詢問原因
例句:點解嘅?
例句:乜你重喺度嘅?
例句:你做乜唔走嘅?
例句:你搞咩嚟啊?周身傷嘅?
例句:收唔到訊號嘅?

(ge2)
解釋:以詰問形式表示感歎
例句:又會咁啱嘅?
例句:噉重成世界嘅?
例句:唔畀人行都有嘅?
例句:粒士多啤梨咁酸嘅!
例句:隻玩具熊咁得意嘅,邊度買㗎?
例句:仆你個街,亞視嚟嘅!
例句:呢度都唔好玩嘅,走喇。
例句:人家講得咁白,你都仲唔明解嘅。
例句:超!流嘅!
例句:你份人都冇解嘅!
例句:噉嘅服務態度,都唔知係咪做生意嘅!

(ge2)
解釋:陳述嘅時候弱化語氣,表示疑惑、猶豫;有時會拖長啲嚟講
例句:都好嘅都好嘅……
例句:聽日會嚟嘅。
例句:OK嘅。
例句:你都講得啱嘅。

(ge2)
解釋:弱化陳述語氣,輕描淡寫
例句:擦損咗少少啫,冇咩嘅。
例句:畫啦,張紙唔重要嘅。
例句:街度攞㗎,唔使錢嘅。
例句:「咦,乜咁錯蕩啊?」「哦,我嚟搵阿晴嘅。」
例句:噉佢又真係幫唔落嘅。

(ge2)
解釋:好多時同「」或者「又係」一齊用,提醒對方過去發生嘅事
例句:噚晚你咪話你買咗拼圖返屋企砌嘅,砌成點啊而家?
例句:我哋嗰次咪去食飯嘅,撞到嗰個咪阿傑囉。
例句:又係你話嘅,閒事莫理吖嘛。

(ge2)
解釋:喺舉出事實辯解嘅時候用
例句:我叫佢咁做嘅,邊關佢事唧?
例句:乜條裙真係唔靚咩?我男朋友讚我着得好睇我先買嘅。

(ge3)
解釋:表示對某件事有信心、肯定,強調句子真確
例句:我知道你一定會幫我嘅。
例句:唔使用劍嘅,用黑旋風
例句:係我叫佢咁做嘅。
例句:冇事嘅。
例句:就噉嘅,呢段錄音已經打好咗嘞,跟住使唔使翻聽對稿?

(ge3)
解釋:表示唔相信,好多時會同「又會」連用
例句:敵人嘅敵人就一定係自己嘅朋友嚟嘅?

(laak3)
解釋:感嘆語氣,有完結或者完成嘅意思,語氣比更加肯定
例句:你噉做就啱嘞。
例句:我做完功課嘞。
例句:掉晒啲冇墨嘅筆佢啦,唔使留㗎嘞。
例句:好嘞,聽你講嘞,唔得咁點先?
例句:真係論盡嘞。
例句:啱嘞!

(bo3) / (bo3)
解釋:表示提醒或者遊說
例句:唔好睇咁多電視噃。
例句:你聽日要去睇牙醫噃。
例句:你一定要去噃。

(bo3) / (bo3)
解釋:表示某樣嘢同講者
例句:「噉即係你都贊成啦?」「噉又唔係噃。」
例句:條裙都幾靚噃。

(gaa3)
解釋:助詞「

/ (lai4/lei4)
解釋:加喺名詞句句尾,用途近似「」,用嚟強調句中嗰兩樣嘢
例句:佢好人嚟㗎!
例句:咩嚟㗎?
例句:呢支酒好嘢嚟喎!

/ (lai4/lei4)
解釋:放喺動詞短語之後,表示動作/事件啱啱過咗去
例句:頭先落雨嚟喎。
例句:我呢排見過佢嚟。

(lo1) / (lo1)
解釋:用嚟指出一樣嘢顯而易見,但係原先
例句:#咩囉!
例句:#係囉!
例句:架車咪喺對面囉,噉都睇唔到!

(lo1) / (lo1)
解釋:用嚟講解因由、原因
例句:我以前唔肯努力,而家咪搞到咁囉。
例句:未衝線就慶祝? 結果咪咁囉!

(lo1) / (lo1)
解釋:用嚟列舉
例句:我平日有咩做?冇㗎,落公園散下步,同啲街坊吹下水咁囉。
例句:屋企有豆腐、蛋、瘦肉同番茄囉。

(lo1) / (lo1)
解釋:用嚟表達自己強烈嘅意見,好多時係反對或關於負面嘅嘢
例句:唔係囉。
例句:我唔同意囉!
例句:佢一定唔會鍾意你囉。
例句:你鍾意點咪點囉。
例句:甲:「方丈真係好小器呀!」乙:「係囉!」

(lo1) / (lo1)
解釋:表示無奈或者勉強
例句:上頭叫到,唯有做囉。
例句:對唔住囉,最多請你飲汽水囉。
例句:甲:「呢個項目由你負責得唔得?」乙:「哦,好囉⋯」

(lo3) / (lo3) / (lo3)
解釋:用喺助詞「」、「」或者「」前面,「」嘅變音
例句:好囉喎!

(lo3) / (lo3) / (lo3)
解釋:知道、聽到、見到變化或者事件嘅時候,用嚟表達自己對件事係好係壞嘅判斷
例句:好囉,做完喇!
例句:弊囉,唔見晒啲嘢。
例句:咁多好嘢食,開心死佢囉!
例句:該煨囉!

(lo3) / (lo3) / (lo3)
解釋:喺狀況有轉變嘅時候,用嚟帶出自己覺得理所當然嘅決定
例句:唔要囉,我好飽喇。
例句:走囉,再唔走就冇車喇。

(lo3) / (lo3) / (lo3)
解釋:邀請對方一齊做啲嘢
例句:落街行下囉?
例句:開始囉?

(lo4)
解釋:肯定咁回答
例句:佢唔想去囉。

(lo4)
解釋:建議一齊做啲嘢
例句:不如食M記囉。

定啦(ding2 laa1) / 頂啦(ding2 laa1)
解釋:定嘞;對事態作出推斷、揣測之後,表示肯定
例句:電話冇人聽,佢唔喺屋企定啦。

定啦(ding2 laa1) / 頂啦(ding2 laa1)
解釋:確認事態,表示理所當然、一定係噉
例句:我實知定啦。

定喇(ding2 laak3(ding2 laa3) / 頂喇(ding2 laak3(ding2 laa3) / 定嘞(ding2 laak3) / 頂嘞(ding2 laak3)
解釋:用喺句尾,對事態作出推斷、揣測之後,表達肯定
例句:你實係想死定嘞。

(ge3) / ge(ge3)
解釋:嘅假借字

(tim1) / (tim1) / 𠻹(tim1)
解釋:放喺句末,有附加嘅意味,多數同「」連用
例句:佢唔止高,仲好瘦添。
例句:佢唔止做嘢慢,仲好唔小心添。
例句:冇肥到,重瘦咗添。
例句:再加多兩茶匙添。
例句:唔該要多兩杯添吖。

(tim1) / (tim1) / 𠻹(tim1)
解釋:表示而家先為意到自己嘅錯失
例句:吖!唔記得咗拎手提㖭!
例句:哎吔!遲咗㖭!
例句:聽日去唔到食飯添。
例句:弊!冇咗件事添!

罷啦(baa2 laa1) / 罷喇(baa2 laa1)
解釋:用嚟加喺提議或請求後面,叫人改變主意。
例句:你都係走罷喇,人哋又唔想見你。

𠺝(gaak3) / (gaak3)
解釋:「」嘅強化變體,表示否定對方原有前設,並且十分之肯定、支持或者有信心,並且表達本應如此、理所當然而毋須懷疑嘅涵義;好多時同「」、「」、「一定」連用
例句:你實幫住佢𠺝。
例句:人終須一死,梗𠺝。
例句:去到𠺝,行過去囉。

𠺝(gaak3) / (gaak3)
解釋:喺講者覺得有啲嘢出奇嗰陣,用嚟重覆自己嘅理解,從而帶出疑問、質疑或者轉折;好多時同「明明」、「應該」、「照計」連用
例句:明明唔係噉樣𠺝!
例句:我記得噉行去到𠺝,搞咩呢?
例句:我有就晒你𠺝,點解你仲要去滾啊?

𠺝(gaak3) / (gaak3)
解釋:喺某啲否定形式表示冇咩大不了
例句:冇𠺝,咪用盡所有辦法照做囉。
例句:佢大你之嘛,冇乜嘢𠺝。

𠺢嘛(gaa1 maa3) / 加嘛(gaa1 maa3) / 㗎嘛(gaa1 maa3) / 架嘛(gaa1 maa3)
解釋:吖嘛嘅合音;加喺句子後面,表示呢一個係對方理應知道嘅事,或者係必然會認同嘅判斷
例句:自然嘅嘢唔一定就係好𠺢嘛。
例句:佢傻𠺢嘛,使乜理佢唧?
例句:你大條道理𠺢嘛,唔使怕。

𠿪(gaa2) / (gaa2)
例句:佢肯聽先得𠿪!
例句:咪以為係拖板就插幾多嘢都得𠿪,會燒fuse㗎。
全文 5500 字 (唔計英文、空格、標點)
前一頁 下一頁