查字典
查部首| 體温 | 身體嘅温度 |
| 探 | 去對方住嘅地方，同對方見面 |
| 説話 | 講嘢 |
| 説謊 | 講啲唔符合事實嘅嘢；講假話 |
| 上網 | 連上互聯網，或者做連上互聯網至做到嘅嘢，例如睇網頁或者玩網上遊戲 |
| 撕 | 將物件往兩邊相反方向拉扯，令到佢分成更細嘅部份，或者脱離原先所依附嘅另一樣嘢嘅表面，物件通常係用紙造嘅 |
| 説服 | 用道理同證據，講到其他人接受自己嘅觀點，或者同意去做某件事 |
| 西醫 | 西方起源嘅醫療學説同方法；同中醫相對 |
| 皮膚 | 覆蓋住脊椎動物肌肉同內部組織嘅器官，有保温散熱，阻隔水份流入同流失同感覺嘅功用；喺人體係最大嘅器官 |
| 朋友 | 同你有交情，通常志趣相投，會互相幫助，但係未必有任何血緣關係嘅人（量詞：個） |
| 牙膏 | 刷牙嘅時候用嘅衞生用品，多數係膏狀或者啫喱狀，有清潔同保護牙齒嘅功效（量詞：支） |
| 敏鋭 | 反應靈敏，觸覺快而且準 |
| 理解 | 知道、明白一樣嘢背後嘅意思 |
| 甩 | 形容物件唔再依附喺原來嘅表面；脱落 |
| 權利 | 一種概念，主張做一件事或者得到一樣嘢係正當、合理、合法或者合乎道德，所以有咁嘅資格同自由 |