(beta 公測版本)

「收」

解釋 #1
讀音：	sau¹
詞性：	動詞
解釋：	(廣東話) 接受；被動噉得到人哋俾嘅嘢 (英文) to receive; to accept 配詞 / 用法： (粵) 收錢 (sau1 cin2) (英) to receive money (粵) 收風 (sau1 fung1) (英) to get news; literally: to receive wind (粵) 收到通知 (sau1 dou2 tung1 zi1) (英) to receive a notification; to be informed (粵) 收警告信 (sau1 ging2 gou3 seon3) (英) to receive a warning letter 例句： (粵) 呢度啲訊號收得好差。 (ni1 dou6 di1 seon3 hou6 sau1 dak1 hou2 caa1.) (英) The signals are poorly received here. (粵) 你仲未收到我哋張請帖咩？ (nei5 zung6 mei6 sau1 dou2 ngo5 dei6 zoeng1 ceng2 tip2 me1?) (英) You still haven't received our invitation card? (粵) 你等錢使就收咗張支票佢啦。 (nei5 dang2 cin2 sai2 zau6 sau1 zo2 zoeng1 zi1 piu3 keoi5 laa1.) (英) You need the money, just accept the cheque. (粵) 你收唔收到我想講乜？ (nei5 sau1 m4 sau1 dou2 ngo5 soeng2 gong2 mat1?) (英) Have you got what I mean? (廣東話) 喺人哋手中攞返自己嘅嘢 (英文) to take sth. back from others; to regain 配詞 / 用法： (粵) 收數 (sau1 sou3) (英) to recall loans; to collect debts 例句： (粵) 個業主想收返間屋自己住。 (go3 jip6 zyu2 soeng2 sau1 faan1 gaan1 uk1 zi6 gei2 zyu6.) (英) The owner wanted to get back his flat to live there. (廣東話) 將零散嘅物件集合起嚟 (英文) to gather; to collect 例句： (粵) 郵差一日會去郵筒收幾次信。 (jau4 caai1 jat1 jat6 wui5 heoi3 jau4 tung2 sau1 gei2 ci3 seon3.) (英) Postmen collect letters from postboxes several times a day. (粵) 落雨喇，收衫喇！ (lok6 jyu5 laa3, sau1 saam1 laa3!) (英) It's starting to rain! Collect the clothes! (廣東話) 確立從屬關係 (英文) to build an affiliation 配詞 / 用法： (粵) 收養 (sau1 joeng5) (英) to adopt (粵) 收留 (sau1 lau4) (英) to shelter; to lodge (粵) 收觀音兵 (sau1 gun1 jam1 bing1) (英) (of women) to act nice to an admirer so that the person will run around looking after herself 例句： (粵) 何生個仔成績差成咁，出到外國都未必有學校收。 (ho4 saang1 go3 zai2 sing4 zik1 caa1 seng4 gam2, ceot1 dou3 ngoi6 gwok3 dou1 mei6 bit1 jau5 hok6 haau6 sau1.) (英) Mr. Ho's son, having poor results, may not be admitted to any school even abroad. (粵) 佢咁有誠意，收佢為徒啦！ (keoi5 gam3 jau5 sing4 ji3, sau1 keoi5 wai4 tou4 laa1!) (英) He's so sincere, let him be your apprentice! (廣東話) 匿埋；隱藏 (英文) to hide; to cover 配詞 / 用法： (粵) 收起笑容 (sau1 hei2 siu3 jung4) (英) to hide one's smile 例句： (粵) 做乜收埋我份功課啊？我聽日要交㗎！ (zou6 mat1 sau1 maai4 ngo5 fan6 gung1 fo3 aa3? ngo5 ting1 jat6 jiu3 gaau1 gaa3!) (英) Why did you hide my homework? I have to hand it in tomorrow! (粵) 有咩唔開心記得講出嚟啊，千祈唔好收埋喺心入面。 (jau5 me1 m4 hoi1 sam1 gei3 dak1 gong2 ceot1 lai4 aa3, cin1 kei4 m4 hou2 sau1 maai4 hai2 sam1 jap6 min6.) (粵) 快啲收返埋啲架撐喇。 (faai3 di1 sau1 faan1 maai4 di1 gaa3 caang1 laa3.) (英) Quickly, put back the tools! (廣東話) 結束、停止 (英文) to close; to shut; to end; to stop 配詞 / 用法： (粵) 收手 (sau1 sau2) (英) to stop an action (粵) 收聲 (sau1 seng1) (英) to shut up (粵) 收檔 (sau1 dong3) (英) to close the shop (粵) 見好就收 (gin3 hou2 zau6 sau1) (英) to stop at an optimal moment 例句： (粵) 你話今次點收科吖？ (nei5 waa6 gam1 ci3 dim2 sau1 fo1 aa1?) (英) (You say) how should we end it up this time? (粵) 間糖水鋪收幾點？ (gaan1 tong4 seoi2 pou2 sau1 gei2 dim2?) (英) When does the dessert shop close? (廣東話) 撤銷；取消；令一樣嘢唔生效 (英文) to undo; to cancel; to withdraw; to retract 例句： (粵) 我收返我句說話。 (ngo5 sau1 faan1 ngo5 geoi3 syut3 waa6.) (英) I retract my statement. (粵) 政府暫時收返條例草案。 (zing3 fu2 zaam6 si4 sau1 faan1 tiu4 lai6 cou2 on3.) (粵) The government has temporarily retracted the bill. (廣東話) 限制、約束 (英文) to restrain 配詞 / 用法： (粵) 收服 (sau1 fuk6) (英) to tame; to pacify (粵) 把口唔收 (baa2 hau2 m4 sau1) (英) to say things incautiously; to say something that is inappropriate or at the wrong time (粵) 收一收油 (sau1 jat1 sau1 jau2) (英) to slow down the gear 例句： (粵) 收下把火啦。 (sau1 haa5 baa2 fo2 laa1.) (英) Calm your temper. (廣東話) 懲罰；教訓 (英文) to punish; to teach a lesson 配詞 / 用法： (粵) 冇天收 (mou5 tin1 sau1) (英) not to be punished by the Heaven (粵) 收拾 (sau1 sap6) (英) to quell; to vanquish
版權：	© 2018 香港辭書有限公司 - 非商業開放資料授權協議 1.0

舉報問題

問題類型:
詳情: