《「失格遊人」何方神聖？唔通係林夕？》

《美男子與香煙》。我唔係講緊太宰治嘅短篇，而係Gin Lee「失格遊人」系列嘅新歌。

何方係何方神聖？傳聞話係同監製同姓，英文名又係A開頭嗰位。竊以為《美男子與香煙》手筆比起《幸福門》更加貼近嗰位神聖嘅印象。

最後嗰節副歌 l s「無涯」（沉沉/零零）而非「亂懷」（下沉/二零），更加 #似是故人來。《問我》「我仍然能夠」噉嘅技法喺新時代逐漸不為所容。以往公認超凡入聖嘅經典，今日分分鐘當做聖經詩歌。同樣作為政治宣傳而唔應該帶入校園嘅A貨《願平安歸香港》嗰句「盼和平」可能係餘辜之中嘅無辜之處；畢竟面嗰浸「和平」同貨真價實嘅「禍平」都係有段距離，春秋批法雖不中亦不遠矣。

當然，春秋批法同春秋大夢嘅批法都係有距離嘅。意識唔到距離，產生唔到美感，於是偉大嘅文學家、批評家jer住一句顛三倒四嘅「送抱投懷」大造文章。文風熾盛，有如北風凜冽。沐春風無期，聽返女主角嘅韋羅莎唱嘅《沐春風》都唔知有冇意思。

講完一大輪，都係聽歌啫。可唔可以話呢首係KK哋歌、慢返啲冇一二一二、唔揸車可以慳返追悼會嘅《吸煙的女人》呢？

（26/9塗鴉。格式略有修改，標題另擬。）