《Utopia 點解譯作「烏托邦」？》

講起翻譯，近排讀書讀𡁵有關Utopia，而Utopia中文係譯做「烏托邦」，由嚴復所譯。呢個中譯譯得非常靚之餘，亦譯得非常有意思，而且好聽。

烏托邦，意思係「子虛烏有所倚托之邦」。所以「烏」係指「唔存在」，「托」係指「很想要吧」，而「邦」當然就係指「邦國」。簡單嚟講，即係ff之國。

而點解話呢個譯法勁呢？Utopia 係Thomas More 喺十六世紀出書（書名就係utopia）所自創嘅新字。佢係玩𡁵食字。Utopia個 -topia係嚟自希臘文 topos，「地方」嘅意思。而 u- 則係佢用希臘文嘅兩個prefix - "eu-" 同 "ou-"去玩字，前者指「好」(i.e. eudaimonia 希臘文「幸福」），後者指「冇」。而utopia刻意留白，就係想同你講：utopia係個既美好但又唔存在嘅地方。

所以拼埋嚟睇，烏托邦用咗兩個字就表達出相同嘅意思：「烏」，唔存在；「托」，美好。係非常厲害。而「邦」雖然唔完全係「地方」(topos)，但Thomas More 所寫嘅 Utopia其實係有關「國家」(state)，所以譯「邦」亦非常貼切。

但有趣嘅係，就算我本身唔清楚烏托邦嘅意思，呢個詞聽落就已經好順耳。

而我講到呢度仲未提及「烏托邦」個音都係對應𡁵utopia個讀音。

但要譯到呢種水準當然係非常之難。
----

如果用返氣溶膠呢種直譯法，大概utopia會譯成「好假地」之類啩 。