(beta 公測版本)
< 返回

《𤓓事恆久遠,一首永流傳:《今期流行》》

作者:牛刀
日期:2018年6月23日

https://www.youtube.com/watch?v=vmgySQRzU7A

(突發短炒一篇~)

望似騎呢,其實唔難明。

對方美女一名,極時尚,魅力沒法擋。但「越美麗的東西我越不可碰」,辣妹野性難馴,有如脫韁野馬,索得嚟索埋命,盞玩死自己。同佢一齊行唔耐,有如鏡花水月一剎那幻象,間場匆匆,唔得長久,做唔到「正場」。所以再難拒絕,都要拒絕。

「何為邪鬼何為神,神鬼如何兩不分。」猶如怕冤鬼纏身,避之則吉,梗想驅鬼啦,偏偏驅鬼誤作拜神——拜神舞姿大概就係咁嚟。哈哈,誤打誤撞,偏偏又有句「請神容易送神難」。正神尚且係咁,更何妨係邪神、鬼魂。

繼續奇想。「索命鋼琴」係咪即係索到「冇得彈」但係偏偏索命?定係對應返椎名林檎諧音「追命林琴」?「無人可駕駛」嘅車同脫韁野馬一樣,都係喻人。夕爺會唔會畀人話「物化女性」?係喎,未出動到燙手山芋、辣椒仔呢啲食物喎(食色性也)。

Any肥,瘀,就一世,唔傳世都偷笑。就好似就算佢普通話進步咗,神者印象依然揮之不去。智叔夠以好戲見稱啦,咪又係擺脫唔到《大冬瓜》膠力嘅陰影?萬般帶不走,唯有業隨身……

全文 342 字 (唔計英文、空格、標點)