(beta 公測版本)
< 返回

《編辭典者讀《編辭典》恨晚也》

作者:牛刀
日期:2018年2月1日

我諗入唔入粵典 編輯組 words.hk editor group都好,都應該睇下飯間浩明嘅《編辭典》。經驗之談唔艱澀,毫無說教味,搭車睇都啱㗎。

真係執字嘅話,我更加會極推薦睇完先執。成本梗係高過入group前答問題啦,但係呢枝預防針確係見使,打得過㗎。

首先畀實例主義(描述主義)同釋義易明兩大信條洗下腦先,再了解返人哋蒐集詞彙同用例幾咁頻撲,反思自己冇咁嘅成本玩,只係靠語感,上網搵兩搵問兩問,同埋其他工作書嘅詞頭,他條得嚟未免單薄。咁樣更加應該聚焦返喺有把握嘅項目度,太舊太僻太專門嘅不妨留返之後先處理,甚至唔收錄。連人哋做足功課都係咁取捨,自己憑咩唔咁做呢?囿於所見,冇可能通曉,單憑實際經驗而解決,但至少請教高明、消化可靠資訊,都唔係好過份啫。

不斷反思。編纂辭典,掌握現今,本身就係沒完沒了嘅過程。

P.S. 仲未睇《啟航吧!編舟計畫》同電影《字裏人間》……

全文 306 字 (唔計英文、空格、標點)
備註: 作者註:(原文發表於2017年12月,本來冇標題。日後會多啲喺度宣傳粵典,不過留意返,只係普通編輯真.義務行多步,唔代表官方立場。 <3)