《點解麥樂雞有18件？》
日期：2017年10月28日
其實有段古嘅。話說喺三國時代，劉備關羽張飛結拜之後，決定以後搶到啲咩，大佬就分一半，二佬就三分一，三佬就九分一。有一日，佢哋搶到十七隻雞返嚟，佢哋發現分唔勻，好苦惱。
呢個時候，孔融就出咗嚟，佢話，嗱我送隻雞俾你，你哋就分到㗎喇。攞多隻雞之後，有18隻雞，劉備攞咗9隻，關羽攞咗6隻，張飛攞咗2隻，皆大歡喜嘞。
跟住關羽發現新大陸，話：「弊，凸咗一隻雞」，張飛就話嘞：「係喎，留俾上次啲雞數囉。」
於是為咗紀念孔融讓雞嘅故事，以後麥樂雞就用18做單位嘞🐓
全文 182 字 (唔計英文、空格、標點)
備註： 編輯曰：真係好 on9....
粵典嘅開放資料政策唔包括粵典文庫嘅文章。除非特別寫明，否則以上文章嘅版權持有人保持一切版權權利。