《自己，就係選擇》

早前兩篇講「自己」引起咗好大迴響，所以我覺得我要講多少少背景。
相信自己選擇，應該係一條好簡單嘅規矩，本身唔使諗太多。你愛一樣嘢，知道後果，鍾意做嘅，就可以做。
如果太過執著自己係乜，好似會限制咗選擇，噉就好似唔俾人揀自己所愛，係獨裁法西斯，唔值得鼓勵。
不過要推廣本土派理論，首先要大家識得愛先。敢愛敢恨係啲好深嘅嘢，而大部份香港人似乎係失去咗呢個能力。所以反思「自己」應該係搵出「愛」呢個感覺嘅方法。
如果太多離地標籤喺身，一個人係好難有愛。你見到好多歸英派好似乜柒都做唔到，乜解呢。 就係你揀樣同自己咁抽離嘅身份認同，再因為英國國籍去迫自己用英文，接受英國文化，根本就唔夠能量，你自己都愛唔落，仲點樣瞓身推廣？
搵出自己所愛，唔係簡單嘅嘢，好多人扑好多次都扑唔中。所以我要俾少少基礎原則俾大家。你當係等大家有一個好啲嘅起步點。
噉有人問，如果你喺一個自我認同受到質疑嘅地方，仲點樣靠成長環境去構築身份認同。好簡單啫，愛就係選擇。冇人叫你將你成長過程嘅一切經歷都去愛一餐。所以你放膽去愛你認同嘅部份就得。
你嘅選擇我阻止唔到，不過愛一啲你唔認識嘅，冇經歷嘅嘢，會因為唔夠愛而衰，失敗率極高。未搵到愛，就由自己接觸到嘅嘢入手啦。
呢套自己論係愛嚟幫一啲搵唔到真愛嘅人去起步，同本土派理論應該可以並存㗎。