(beta 公測版本)
< 返回

《日出康城輪迴記》

作者:擇言
日期:2014年11月2日

我想講個故仔 (唔好笑!千祈唔好笑!佢好慘!)
我有個朋友,由康城搭地鐵想去寶琳。
去到將軍澳,佢落車衝過對面諗住返屋企。
上咗車,佢發現架車係返去康城嘅。
將軍澳站嘅設計係同一個月台有兩架車,一架去康城,一架去寶琳。
咁佢發現自己柒咗,返咗去康城,不過呢啲白痴嘢成日發生。
20分鐘之後,佢又返到將軍澳,將呢件事whatsapp話咗俾大家聽。
打緊whatsapp嗰陣見月台有車,上咗車,點知又係康城車。
呢個真係無限輪迴。
再過多20分鐘,佢又返到將軍澳,今次佢見到對面有車,終於醒目,望清楚個路線顯示版,去寶琳嗰盞燈眨下眨下,先至上車。
點之原來眨下眨下,係提你嗰個站唔到,要落車轉車。
係呀,呢架又係康城車,眨燈係提醒去寶琳嘅人要落車…
過咗一個鐘,佢而家仲喺將軍澳站…

全文 267 字 (唔計英文、空格、標點)