(beta 公測版本)
< 返回

《想搵自己?邊有咁易》

作者:擇言
日期:2015年11月16日

成長,係搵「自己」嘅過程。

「自己」難搵,唔係因為要好似「尋找威利」噉,喺茫茫人海度搵返豆豉咁大嘅威利。自己嘅物理位置,大家都知。
難搵在於,大家根本唔知道自己嘅範圍去到邊度,大家就不停噉同身邊嘅嘢去比較,去搵出「自己」同「唔係自己」嘅邊界出嚟。而且無論你點樣搵,你永遠唔知道你嘅答案係咪啱。呢種搵嘢嘅問題,就好似爬山[1]噉,搵到咁上下,上咗一個山頭,覺得自我感覺良好就得;覺得未搵到真正答案,又可以落山再搵過。不過都有可能你點搵都搵唔到一個你心水嘅答案出嚟。

講得好玄,我舉個例子去講。你見到一隻蟲,你可以話:
(一)哇,有蟲呀!
(二)哇,有生物呀!
(三)哇,有曱甴呀!

究竟邊句先啱?如果呢隻蟲真係曱甴,語意上句句都啱嘅。至於揀邊句,你可以判斷。按照你嘅喜好、實際環境、對物種嘅熱衷等等好多因素去決定 [2]。
噉「自己」呢?一個「自己」有咁多個次元,你點樣去定位?

‪#‎深夜廢噏‬ ‪#‎唔好問我講緊乜‬ ‪#‎我自己都睇唔明自己寫緊乜‬
[1] 英文好似叫 Hill-climbing,喺「搵本土嘢」嗰陣好有用。
[2] 我知道有啲曱甴fans係會癲到嗌「哇,有德國蟑螂呀!」嘅。好痴線。
[3] 幅圖入面嗰隻係 ゴキちゃ

全文 379 字 (唔計英文、空格、標點)