《喺sogo門前我同左膠朋友絕交‬》

每次講起左膠，都諗起呢個笑話：
我同我朋友喺sogo門口行過，佢突然停咗喺到。
我問佢：「做乜停咗喺到呀？」
佢伸出左手，問我：「可唔可以借500蚊嚟？」
我覺得有啲奇怪，但係都好爽快咁畀咗500蚊佢。
佢拎住我嗰500蚊走去一個彈結他嘅殘疾人士前面，放低嗰500蚊。
然後帶住輕快嘅步伐返嚟，好滿足咁講：「幫到人真係好開心呀！」
我問佢：「你無錢咩？」
佢好奇怪咁望咗我一眼，答：「有呀！」
我望住佢一陣，見佢無啲表示，終於問：「你打算幾時還返500蚊畀我？」
佢好似第一日識我咁，好驚訝咁打量咗我幾眼，用右手指住我話：「你唔係呀嘩！你拎錢去幫人仲打算問我攞返？」
然後我就無再聯絡過呢個朋友啦。