《畢加索》

#畢加索：藍色時期 (1901-1904)
https://www.facebook.com/JudyLeeLinguist/posts/1337569253334233

El Greco係畢加索嘅靈感最大來源之一，據聞年輕嘅畢加索住喺 #馬德里 時，#普拉多 美術館星期日唔開嗰陣，佢就會去 #Toledo 睇El #Greco 嘅El Entierro del Conde de Orgaz。1901年，畢加索20歲。摯友Casagemas自殺身亡嘅打擊巨大，畢加索頓覺迷失、孤獨，同年複製出描繪摯友葬禮嘅El Entierro de #Casagemas [1]，開始佢嘅藍色時期。

同時，有指畫家自己喺巴黎尋花問柳時染上性病，悔恨同驚恐交纏，亦都係佢畫風突變嘅原因之一。呢幾年之間，畢加索嘅畫作表現出濃重嘅哀傷同悲觀；空洞嘅背景、悲慘嘅世界，全部籠罩喺憂鬱嘅 #藍色 之中。畫作筆下人物多數係社會邊緣、長期受苦嘅人，例如係窮人、殘疾人、乞衣等等，西班牙語言同文學史上最出名嘅老太婆，都係佢嘅藍色主角 [2]。

1903年嘅La Vida（法文原文La Vie，意即「人生」）係悼念亡友嘅作品，裏面個男人就係Casagemas嘅肖像。畫作描繪人世間兩種愛：母愛同肉慾嘅愛情，可惜單單有愛並唔能夠阻止人生嘅苦楚 —— Casagemas雖然深愛模特兒Germaine，但可能因爲 #性無能 而求婚被拒，最後吞槍自殺 —— 所以背景有痛苦捲曲嘅人像。

睇返畫嘅主角，情侶同母子嘅畫法有啲唔同。母親嘅形象有 #哥德式 #雕塑 嘅影子，外形勾勒得比較簡單但深刻；情侶就傾向細緻少少嘅 #自然主義，而且線條同色調柔軟淡薄一啲。大家可以留意同一幅畫裏面，唔同時代嘅風格、素描油畫等各種手法，點樣喺畢加索筆下融會貫通。

[1] 見〈El Greco畫作導賞：畢加索筆下的葬禮〉
[2] 見〈承先啓後的世紀之「交」：淫媒老婦Celestina（四之二）〉

如果鍾意呢篇文，請你CLS支持 
此系列逢星期三、星期日更新，敬請大大力追post :0)

==========

畢加索：粉紅時期 (1905-1906)

#愛情 會令人嘅世界充滿喜悅同幸福，多愁善感嘅畢加索當然都唔例外。佢1904年定居 #巴黎，認識到 #模特兒 Fernande Olivier，翌年共賦同居，慢慢走出好友自殺所引發嘅 #藍色時期 陰霾，多咗用柔和淺淡嘅紅、橙、大地色調。

畢加索喺巴黎 #蒙馬特 嘅工作室靠近一個 #馬戲團，提供咗好多靈感，所以呢個時期不乏以馬戲藝人為主角嘅畫作，〈賣藝人家〉（左圖）就係其中之一，有人話着住菱形圖案嘅滑稽角色演員係畢加索嘅 #自畫像，而其他人物就係佢啲 #藝術家、#詩人 朋友。

雖然話係玫瑰或者粉色時期，但畢加索其實冇乜點擺脫到之前用慣嘅 #藍色，好多作品似乎處於一個由藍至粉嘅過渡期，例子有兩幅1905年畫成嘅歷史高價 #名畫〈花籃女孩〉（中圖）同〈煙斗男孩〉（右圖）。無獨有偶，兩幅畫表達嘅都係童年到成熟、清白到有經歷嘅過渡：花卉象徵聖餐禮裏面耶穌嘅血，裸體同煙斗就係紙醉金迷成人社會嘅代表。從另一個角度演繹，女仔白皙嘅肌膚象徵純潔童貞，鮮豔嘅花卉代表激情紛雜嘅色慾世界。

欣賞呢個時期嘅畢加索畫作，可以特別注意硬筆繪畫、勾勒物體輪廓嘅筆跡，以及一啲 #古典主義 傾向，譬如係人物淡泊拘謹嘅情感、大致合理嘅形體比例、精心安排嘅模特兒姿勢、相對簡約嘅用色等等。但係同一時間，畫家多咗描畫人物90度正側面，似乎係受埃及圖文影響，可能係之後 #黑色時期 嘅前奏。

如果鍾意呢篇文，請你CLS支持 
此系列逢星期三、星期日更新，敬請大大力追post :0)