《談七夕》

「其實七夕個故事講乜？」
「窮L襯靚女沖涼時，偷咗佢件衫，靚女因此答應做佢老婆」
「乜以前啲故事咁變態㗎？咁窮L點解釋佢嘅行為？」
「佢話係隻牛叫佢做嘅，靚女就信了。」
「...anyway，點解佢地1年見得一次？」
「王母發脾氣，一篤就扭曲空間，令佢地相隔16光年，好遠」
「即係光速都要飛16年？咁1年點可能見到一次？」
「因為喜鵲幫佢地搭橋...」
「咩橋？」
「空間對摺」
「？！？！」
「七夕摺紙鶴，可能就係空間對摺」
「摺咩可以咁勁？」
「摺咩都得，你只要夠力將一張紙摺50次，個厚度就足夠你由地球連接去月球，再摺多幾次就可以由牽牛星行去織女星」
「但我拎張紙，摺極都只係摺到七次...」
「人地係牛郎，係大力啲嘅」
「我懂了！」

最後，世界記錄好似係一張紙可以摺13次，係一條4公里長嘅廁紙。看來要連接月球以至牽牛星織女星，也實在不容易呢