《長衫婆婆》

我行行吓見到一個著長衫嘅老人家，好優雅，手有粒好大嘅綠寶石定翠玉介指，坐喺茶餐廳出面，左顧右盼，應該等緊人。

前面好似係凍奶茶。

我行咗去，咁影人有啲無禮貌，但忍唔住返轉頭。媽問我咩事，我求其作咗個理由。
拎起手機扮影其他，婆婆聰明知我影佢。
如果我係靚仔，一定去搭訕。
如果我係一支公入嚟長洲，都九成九會為佢停留。
係咩嘢嘅一個人？係咩嘢經歷練成到咁嘅修養同氣質？係咩人叫佢等？

好多年前，一定係一個大美人。