《港女真係好平呀！》

長文注意。呢篇文極無聊而且無內容，我勸你如果唔係真係好得閒，最好唔好睇。唔好睇完又留言話我。屌，徙我時間！
　
兩年幾前開始，公司崗位轉左，我要去做Ｄ開山劈石既ＤＩＲＴＹ　ＷＯＲＫ，少不免成日飛黎飛去。
　
每飛完一次，又或者係羅湖落馬州之類過關出黎，踏足番香港既地域，我都會有一層深Ｄ既感受，就係：
　
我愛港女！港女萬歲！
　
真係唔係講笑，係香港國際機場出番黎，就算迎面而來即刻亦有一堆飛機場趨近，我都真係拖住個死人行李同埋疲勞既身軀，我都仲會打識得從心底咁笑出黎。甚至心入面即刻講一句：屌，真係好平呀！仆街！
　
但係就係呢Ｄ人，會令我知道，我已經返左黎香港。
　
係外國，的確好多樣靚身材正既金髮美女。而係贏國，更加唔駛講，點都會贏架，十四億人口，要見到靚女，除非你真係插盲自己對眼先出街，否則去開會，去商業大廈，總會有機會撞到一兩個。
　
但係靚又點呢，大波過自己個頭又點呢，好似李泳泳咁又點呢。一要講另一隻語言，例如英文，就已經成件事隔左三萬公里咁遠，有Ｄ仲要係意籍法籍，其實你唔識意大利粉或者法文，大家都只能夠君子之交，唔好諗住真係交心。西方社會可能都仲好Ｄ，如果要對住贏國人講贏語，就更加之想一句起兩句止。就算對方幾可愛幾想同你繼續傾都無用，係自己已經先行無癮左。
　
可能真係基因問題。但陶傑ＤＮＡ既野，你係香港以外講，都無人明你ＵＰ乜。
　
你諗下，有時想講一聲屌，然後對方又會意會呢下屌唔係真係屌只係開玩笑既屌，然後又識得同你屌埋一份又互屌，呢下中間既大腦思考同埋推進交流係幾深層次。我相信就算咩人工智能ＡＬＰＨＡ　ＧＯ　ＤＥＥＰ　ＬＥＡＲＮ都好，都有排未計算到究竟幾時屌你係開玩笑屌，幾時屌你係真屌。
　
而有Ｄ真係唔係單係粗口可以解釋到。同一個地方長大，就係有Ｄ野會ＳＨＡＲＥ　ＣＯＭＭＯＮ　ＧＲＯＵＮＤ。雖然我地呢Ｄ五十後同依家Ｄ靚妹，已經係好撚大代溝，勁過中國同美國果個幾千億貿易逆差，但係從走Ｅ道，出關，然後出機場，搭巴士，排隊，見到一大堆港女係度用廣東話向佢地班兵落命令，感覺真係好親切，好撚地道。
　
我會意識到自己身處既，係香港，唔係異鄉。廣東話呀！我聽到廣東話呀。即使可能港女著黎著去都會係ＭＫ風，韓國風，講野說話唔正有懶音，甚至會見到班港女係度西面，開口屌佢男朋友，甚至直接講「我唔係想食呢Ｄ呀今晚你明唔撚明呀死蠢！」果陣，我心中真係會即刻俾ＬＩＫＥ。我甚至會有零點幾秒會都願意相信：平胸著衫，真係會好睇Ｄ。係得香港先獨有既魅力黎，其他地方都唔會做到！！
　
我覺得自己可能已經痴撚左線。但係當你成日都離開家園，然後搞完一大堆垃圾做左一堆無聊野老細仲要屌你果陣，ＪＥＴＬＡＧ又會搞到你幾日訓唔到覺，一切都已經好似世界末日ＴＨＥ　ＤＡＹ　ＡＦＴＥＲ　ＴＭＲ果陣，你會發現返屋企，見到自己人，始終會ＦＥＥＬ　ＭＵＣＨ　ＢＥＴＴＥＲ。就好似返屋企見到塔嫂咁。塔嫂唔會話煮麵俾我食，甚至可能只係頭也不抬咁講句：捨得返黎啦？肚餓自己叮公仔點心食啦～ＢＹＥ～～～
　
但港女始終係港男心目中，係不能取代既存在。
　
我愛港女，港女萬歲。因為塔嫂都係港女，所以我愛死佢。
　
～～完～～
　
免責聲明：港女都有大波架。港女都有靚女架。我唔係以偏蓋全架。以上既鋪排純粹加重下喜劇效果架渣。當然，你地鍾意屌就隨便屌啦。
　
另外幫 仆擇 Drek-iyn Suk-suk 宣傳 #生仔救港：要生記住同港女生呀。唔係搞到一定要贏，你就等仆街喇。