《以甜故為喻》

國際貿易一向都係一張掌打唔響既。
　
例如我想賣甜故，我生產左甜故，然後睇下出面有無人要。如果有，我就出口甜故，人地入口我個甜故。佢要俾外匯我賺，呢個就係順差。
　
咁依家好多人都問，喂你生產得太多甜故推出去市面，搞到個順差好大，咁對面國家又唔多高興，咁所以就要打貿易戰，咁點算呢？
　
但係個問題唔係咁簡單既。首先，點解我甜故，會有人入口搞到個順差咁大先？呢個就牽涉到所謂既競爭力問題。例如，我個甜故特別甜，只此一家，搞到好多人都想入口，呢個係一個理由。又例如，我Ｄ甜故雖然唔多好Ｊ，但勝在抄得其他國家既甜故橋，更快更多更新，然後我仲有文字生成器幾大部幫我，咁你唔夠我玩，一味夠平。所以其他國家只要有需求，我Ｄ甜故夠平夠頂爛市，你都要乖乖科水。
　
咁阿總統就問：屌呀？我地國家無人識寫甜故呀？依家要阿美利加優先呀嘛？我地Ｄ廠去晒邊？一於加關稅，然後搵番自家製作既甜故！但係咁又牽涉到傳統國際貿易理論既一Ｄ基本問題，例如：阿美利加入面住既全部都係有心無默，佢地係叻寫驚慄故，玩西－－營盤既，你叫佢寫甜故，等於要佢條命，佢地會自斷雙臂。咁既，本身個世界應該係：
　
你叻邊範，做邊範，然後我地大家交換我地既商品，咁咪雙贏囉！呢個理論係２００８年之前，接近係所有世界既共識黎。總之你有你生產，我有我生產，大家互相ＴＲＡＤＥ大家既野，咪大家都有故睇各取所需大家ＨＡＰＰＹ囉。所以如果突然間一拍兩散，咪會即刻成個市場散晒，缺乏所謂既ＯＰＴＩＭＡＬ既供應，會令到睇咩故既成本都上升囉？周邊好多工業服務業書店書展多得你唔少喎！
　
呢個係一般書本既理論。另一個問題就係：例如我賣一本甜故係一百蚊既。點知原來打開一研究，本甜故得一半係我寫既字，另一半原來係有圖有真相，但係就唔係本土出產，係其他國家入口入黎再組裝既。例如夾附左幾張三上、又有一兩個結衣既唇膏飛吻，呢Ｄ野都唔平架！換句話說，我去問番老細，原來本書一百蚊，我Ｄ字只值二十蚊，三上Ｄ相連編輯俾清妹果班蛋散，竟然值七八十蚊。
　
「下，咁樣照賣出去，入帳又計順差一百蚊？唔岩數喎？」「咁呢個世界係咁玩架嘛。ＩＰＨＯＮＥ夠強國出產啦，有幾錢真係從強國黎呀，傻仔。」如果你突然禁左甜故，隨時阿美利加做ＰＨＯＴＯＳＨＯＰ　幫封面Ｐ圖既人，又會突然失業。所以依家國際貿易已經唔係ＢＩＬＡＴＥＲＡＬ咁簡單架喇，係成條ＧＶＣ，即係產業鏈，加埋入稅會計問題，Ｄ零件射黎射去，邊度係原產地，真係木宰牛咯。仲講ＲＩＣＡＲＤＯ／ＨＯ　ＭＯＤＥＬ，呃細路仔就得。
　
好喇，撇開個順差問題會牽涉到既一般貿易問題。而拎多左外匯，儲到個外匯三萬幾個億，係咪又代表係正野呢？你估之前收多左咁多外匯要係咁發鈔發到個Ｍ２高過個ＧＤＰ咁多，又係咪真係好爽？依家叫做低通脹無咩事。你睇如果通脹上番，央行會唔會驚到瀨尿？點樣可以同時外匯管制又ＫＥＥＰ到利率又穩到人仔？美國點解又唔可以借少Ｄ錢，還番多Ｄ錢？由於篇幅所限，同埋問題比較複雜要講埋ＢＯＰ。唔可以再用比喻去寫，拋番個波比 Econ記者。完。
　
總而言之，有線果篇稿，錯到離晒譜。當然穿鑿唔係問題，但求ＳＯＵＮＤＢＩＴＥ唔係咁既，亦都唔係中國組一般做法。強國底力不足美國，制度好多根本問題搞唔掂，係人都知啦，駛用數據咩。最驚係睇留言個個都讚好，話睇數據一目了然。心諗：真係柒到無眼睇。。。