《如果有得揀，有邊個男人會想開 OT》

［毒者文澤］男朋友永遠都唔會同你講，因為要加班，見唔到自己女朋友，心會係度痛。
　
男朋友不說，係因為佢深明，其實講左出黎，係無人會ＫＮＯＷ　ＴＨＡＴ　ＦＥＥＬＩＮＧ’　ＢＲＯ。俾佢深夜一個擁抱。
　
我首先想問，如果有得揀，有邊個想對住一檯都係野，老闆既西面，多過見自己既女朋友。（除非佢女朋友好惡頂）尤其是果Ｄ值得慶祝既日子，ＢＯＯＫ好左台，明知女友會著得靚靚，背心高爭迷利裙？攬下女，鋸下扒，人生一大快事。用得著對住ＥＸＣＥＬ幾千行剪剪貼貼？
　
選擇ＯＴ，而唔係你，的確係客觀現實。但有無諗過，其實係因為男朋友願意向你投信任既一票，先至下既艱難決定。因為，老闆絕對唔會識因為你早走而體諒你；但女朋友，總希望有一絲希望，你出到黎公司樓下，一疊聲道歉，自己女朋友係未走。就算唔能夠好開心，都可以擠著一絲微笑：
　
今晚辛苦你啦。我地去食魚蛋粉一樣唶。果下ＳＷＥＥＴ爆。女朋友要ＴＵＭ，男朋友唔需要？下？又話男女平等。
　
係，你有情緒，你都可以嬲，你可以話做乜唔將自己二人世界放係第一位。再加上今日你都俾人丙完自己又黎Ｍ同事又講一輪是非果Ｄ一連串加乘因素，所以依家男朋友遲到，拎正牌發掹憎。但係兩個人係埋一齊，除左浪漫，激情，開心；係咪都有互相扶持，安慰，溫情既成份？好天開心，落雨都要一齊擔遮架？而唔係永遠問：點解唔可以你係永遠開遮果個？？
　
點解唔係我重要Ｄ，係永遠都解答唔到既問題。ＷＯＲＳＴ　ＣＡＳＥ，我地亦都唔會要求對方體諒既。我相信幾十萬香港仔，都唔知試過幾多情況，加完班，俾女朋友屌打，仲要調番轉頭安慰哄撮。但你自己問心呀，果下畫面，其實你條仔已經當左你係佢老細啦，先會再食得落果下死貓。呢Ｄ都係聞者傷心見者流淚既畫面黎。
　
施主咁又何必。咁樣玩，再落去，終歸會無意思。人地重視未來，你就重視現在；到人地講現在，你就同人講將來。如果無時光機，係搞唔掂既。自己買本叮噹睇睇，再諗諗吧。
#唔知點解呢ＤＴＯＮＥ
#會諗起杜文澤教訓人既時候既ＴＯＮＥ