《香郎》

「喂，係咪迷左路呀。」

「傻撚左呀你，去到邊咪又係海洋公園。」

「咪嘈啦，地圖呢。」

「地咩撚圖呀，去睇iPhone Google Map 啦。」

「無喎，個GPS 廢左喎。」

「妖，智能電話都係on9的。用番Nokia 算啦。」

「咁呢個地方又真係好黑，咩撚都睇唔到。」

「屌，無謂理啦，繼續行囉。」

萬聖節既夜晚。三兄弟。

約左女去哈佬喂，但係玩玩下，竟然同女失散。

愈行愈見鬼，愈走愈謎離。終於行到一個全黑色既帳幕前。

「有地方入啦，入左先啦。」大哥，叫李君霸。

「係咪真係入得架。」二哥，叫李祖霸。

「屌你，問咁多，依家有其他地方可以去咩。」三哥，叫李工霸。

掀問黑墨墨毛絨絨既帳幕，三個人繼續向前行。前面有微弱既燈光。

終於黎到一小堆蠟燭面前。一堆紅色血淚上面，浮著異樣既光。

一個女人坐係呢堆蠟燭中間。

佢盤腿坐係地下，疲倦不堪，似係身受重傷，頭破血流。

衣服係好似吉卜賽既服裝，一大片布包住自己，但係部份地方已經鬆脫。

酥胸半露，大腿白雪雪一大片。

女郎曲髮，閉上眼，大圓環耳環，整個人紋風未動。

三兄弟見到咁既一個火熱女仔，都不約而同，吞左一大啖口水。

工霸第一件事涎著瞼：「嘩屌呢個係咩地方黎，D化裝咁撚逼真既。」

祖霸附和：「問下個女仔咪得囉。不過個女仔又真係好索。」

君霸睇起黎最沉實，佢低聲話：

「你地兩個咪講廢話。呢度話晒都係人地個場。我估都係占卜講下鬼故然後有D人跳出黎嚇下之類。玩完咪問佢點樣出番去。」

三人認同，走到女郎面前，正想開口。女郎張開眼睛。

女郎濃眉大眼，勾魂攝魄。雖然額角仍然有血慢慢咁流落黎，但係無損佢電眼既異常威力。

「嗨，三位。」女郎好似係混血兒一樣。講廣東話都唔太正。

君霸禮貌咁問：「你呢度究竟係玩咩架？」

女郎笑了一下，無回答呢個問題。

「我叫香郎。」燭光既火一齊向上標左一下。

「幾位黎到，我好高興幾位客人既光臨。我知道你地有野想問。但係唔駛問。」

「因為你地好快就會唔想離開呢度。所以，聽我講，坐低先。」

同靚女有近距離接觸，當然係好。何妨係咁鬼索。工霸第一時間坐到埋一埋，就係掛住睇心口。祖霸同君霸亦只好坐低。

「我地呢度，唔係我講故事，就係你地講故事。」

三人聽下去大奇，咩哈佬喂有D咁既玩法架咩。

女郎眼神變得迷離，「我鍾意聽恐怖既故事。血淋淋，勁暴力，或者妖魔鬼怪，我都會好想聽。我有好多鬼故事可以分享。不過，如果你地聽我講，要付出代價。」

君霸問：「會係咩代價？」

香郎慢慢咁講，舔舔利：「血債血償。」

三人聽左不由得一慄。但好快就覺得係開玩笑既劇情需要，於是工霸逕自笑嬉嬉：

「命就只係得一條。你黎囉啦？」接著，竟然伸手逕自去摸女郎心口既兩團肉。

其餘兩人正想阻止，不料女郎嬌喘一聲，竟然無反抗，亦無叫非禮。「客人且慢，不如聽埋我，講埋先？」

工霸拍拍大腿：「好！香小姐真大方，請繼續講！」

女郎又向工霸拋一個媚眼，然後繼續話：「如果大家覺得要付費，唔化算既話。我可以聽你地講。你地講一個故事，只要我聽到滿意的話。付費既，就係我。」

工霸雙目大亮：「會有咩報酬？」

女郎笑笑，自己用戴晒金屬手扼既修長手指，係自己既胸前打圈，另一隻手就慢慢撥開下裙既衫擺。

「你要咩……都可以。」

呢個係咩環節？呢個肯定唔會係海洋公園既節目！呢個諗法當然好合理。但係三人無人打算離開。

就好似一個祭典一樣，大家好熱切投入，只係唔知道往後有咩等住大家。就係咁先刺激。

無野係唔可以亂試。尤其係三個男人VS一個女人，驚咩？

工霸即刻舉手：「我黎，我要講故事，你聽！」

女郎笑笑：「但係有幾道規則，你地務必要遵守。」

「係咩？」三人異口同聲。

「好簡單。一，一定要係真人真事；二，一定要係同自己有關。如果係假既話，我會唔係幾開心。」女郎又抹一抹身上既血污，但係就愈抹愈多。情境睇起黎，令人相當毛骨悚然。

不過工霸既想法剛剛好相反，竟然有咁既餘興節目，仲有咁多噱頭。爽過爽報呀！

於是工霸一疊聲答應：

「好呀！就咁話啦，我講先。」

「我係一間大公司到做經理既……」

仆街，D人都唔撚係做野既，成日就唔係遲到就早退，一係就病撚左。

唉，八十後就係咁撚煩架啦。

所以我成日都同老闆講，唔撚洗同情佢地，亦都唔撚洗加佢地人工架。

做到班友仆街咪得囉。反正我地唔請佢，佢都係失業架啦。

不過當中有個女職員，叫做Elaine 既，都算唔錯架啦。

佢起碼肯博肯捱，亦都對我地既Order完全服從先啦。

本來佢咁努力，我都好支持佢架。不過後來知道，原來佢係想儲錢結婚喎。佢條仔我都見過，原來係D不良青年黎架。我心諗，有咩理由咁辛苦貼仔，做到咁辛苦先得架？

我都同佢講過幾次，你努力做野，對公司當然好事，但係點解要俾D錢無意義既人？同呢D飛仔一齊，都唔會幸福架啦？不過勸佢咁多次，都無撚用，咪算撚數囉。依家D八十後都係咁撚硬頸架啦。

咪質多D野俾個傻西做囉。

不過後來，堅野就黎料喇。佢條仔竟然唔知點解死撚左。好似話跳左樓。唔知係咪Hi天Hi Hi 左HI 爆個腦，就跳撚左樓喇。聽講，個頭先落地，D血花爆晒落平台D紙皮石到。連側邊個花盤都係一條條吊住晒D腦漿呀。個隻眼唔再講啦，凸晒出黎，個頭同個身已經分開兩個。當然個頭已經係呈不規則形狀架啦……

似咩呢，拿，就好似一個扑爛左既南瓜咁囉。

唉，都話左架啦。

但係更加恐怖既都未到。Elaine 哭哭啼啼，同我講，佢男朋友死撚左。我心諗屌，你男朋友死撚左關我撚事咩，警方都話死者無可疑，死於自殺啦。

我同佢講，你依家咁樣，都無可能做到野架啦，不如我辭左你既職，然後補番少少錢俾你算啦。

佢係我面前猛喊，話唔得架，我唔可以無錢架，依家我仲有埋身己添呀。作孽囉！仆街，有左唔炒得佢架嘛，我只可以同佢講，你一係就快快趣趣自己搞掂佢，我都已經愛莫能助。你話請住呢D仆街係咪真係托衰家呀。屌屌屌！

再後來，又唔知真係行咩衰運，佢個BB真係無左。咁無辦法啦，我都唔想架，我唯有請佢走啦。點知個仆街，竟然著住一套大肚婆衫，上左辦公室既頂樓，跳落去。同佢既男朋友一樣死法。佢既遺書都大大隻登左係報紙啦：ＸＸ，我一齊落黎陪你，對唔住。屌，真係殉情喎。

殉情你都死遠D啦。我唔覺得自己係呢件事上有錯，但係佢帶來既後遺症都好多。班同事好驚夜晚開OT依家，甚至好多女同事都走，因為佢驚到時大肚，會生魔鬼怪嬰。男同事都唔係好好多，佢地成日話見到Pantry 一到八點半，即係Elaine 跳樓既時間，就見到有個大肚婆身影經過。

最恐怖既一次，係微波爐叮完野。個爐傳出BB既喊聲。

屌，心諗，邊有可能唶，但係我都同老闆講，算啦，依家人心虛怯，咪搵個法師黎做場法事囉。反正D錢就係同事夾番架啦。結果都係黎左做，但做完，咪又係咁。

「依家都唔知點算架，話唔定，個BB隨時會黎搵我都唔定，哈哈。」工霸完全渣攤咁，悶到訓咁講左個所謂既恐怖故出黎。可謂一D都唔動聽。

女郎一邊頭髮掩住左眼，另一隻眼好似貓眼石咁閃閃發光。不變既係佢略略向上彎既詭異笑容。

「點呀，香小姐，我呢個恐怖故仔，有血有淚，係咪無一百分都有九十五分呢。」

「係呀，真係好好。我都知道呢個係真人真事黎。報紙都有賣。有輿論問，係咪香港工時太長，迫死左D上班族。」

「係呀，不過一聽就知無稽之談。」

「係囉，係無稽之談。」

大家既面色係火光之下，都好似經過處理咁，有好深既輪廓，又變幻不定。

香郎咬一咬下唇：「先生講得太好。我最鍾意就係死人Lum樓。殉情殉得好。」

「係呀呢，係呀呢，咁你會俾咩代價我？」工霸已經一臉躍躍欲試。

「唔駛心急。」香郎烏低身，事業線之長，幾乎可以好似一把利劍咁，抵住工霸既咽喉。

「我作一D補充先。或者如果呢個故仔我去講既話，我會講得豐富D既。」

「我係個經理，我會見到個女下屬咁可憐，就會好想幫佢。但係佢又咁靚，同飛仔係度就徙晒。不如同我一齊好過啦。」

「於是我會叫佢有晚入房，然後強姦佢，再迫佢同個男朋友分手，如果唔係就炒左佢。」

「但係紙包唔住火，佢男朋友知道佢俾我姦左，梗係會找我晦氣既。咁我地咪又約出黎講數囉。」

「但係佢唔知點解暈左，又唔知點解跳左落樓，我都唔知架。我係路人黎架渣。癮君子無啦啦跌左落街，都好平常唶。」

「跟住，同女同事再黎搵我，仲話有左既係我既BB？呢樣野梗係唔可以俾佢發生啦。於是我捉住佢既頭髮，撞佢埋牆，撞到佢個BB無左為止。」

「最後，佢俾我迫到上樓自殺。我唔係無悔意既，所以先做左場法事。不過算啦，呢D都係社會上既垃圾黎架唶，多一件唔多少一件唔少。」

「你話咁講，個層次感會唔會出晒黎呀。」

四人鴉雀無聲。

工霸神情有D勉強：

「希，你話叫我講真人真事呀嘛。我又唔係兇手，咁講就唔算真人真事啦。係咪呀？」

香郎笑了笑，「又係既。但係我條規則入面，都無話過唔可以講大話。你咪話自己講緊大話係真人真事咪得囉。你唔駛咁驚青既。」女郎趨近，用自己胸前既衫布，幫工霸個額頭抹汗。

工霸既鼻端傳來一陣迷暈既芬芳，幾乎要即刻為之一蕩，香郎就柔聲話，「辛苦你啦。我應承俾個酬勞你，架呵？」

工霸大吞一下口水：「係呀，係呀！」

香郎用手指，止住係佢既唇上，唔俾佢講落去。「我知，我知。你入黎咁耐都望到我實一實，有度一定已經谷得好辛苦。我就等你釋放下。」二話不說，手如龍蛇，已經去到工霸既股間處淨走。

拉鏈被拉下既聲音，係如此清脆。昂首之物係燈光中挺立。香郎既手如旋轉門一樣，細細包裹套弄。

其餘兩兄弟看得傻眼，原來堅野，早知我講先啦！！

黑暗下，春色無限。工霸此刻身處溫柔鄉。

「香小姐……你，你手法咁純熟既……好，好舒服。」

「盡情享受啦，盡情享受你應得既代價。」香郎一隻手沒閒著，另一隻手甚至引領工霸係佢身上亂摸。

「我……我要射啦！！！」

「哦。」香郎忽然間一笑，目光大盛。「射出來吧。」

白色既陽精狂洩，一下子向天上既月球噴射。「好……好多。」其他兩兄弟都睇到極硬，見到咁多容量，知道三弟一定爽到死。

但係怪事黎啦。點解一直都停唔到既。

「咦？」工霸好快都覺得唔尋常。

繼續，繼續射吧。女郎無停到手。

「夠，夠啦，唔好，唔好。」工霸感覺到自己既靈魂好似慢慢抽空緊。

兩兄弟大驚，但係面前既情景太可怕，佢地都嚇動彈不得。

香郎終於都停手，但係液體既噴射，未有因此結束。甚至愈來愈多，愈來愈猛。

白色，慢慢變成粉紅色，然後係，紅色，然後係，

鮮紅色。是血。

香郎好似睇煙花咁。但係呢個唔係煙花，係祭禮中心既噴泉。

終於，工霸一動不動，油盡燈枯。佢既下面，已經縮成一針。

蠟燭既紅紅之火，燒得更亮。

「好啦。下一位，到邊個呢？」工霸既屍體，血腥斑斑，但係香郎既眼神睇黎，好似藝術品一樣。

剩餘兩兄弟慘叫，即刻向外奔逃。但係香郎笑：

「無用的。進入左我既地方，就係我既人。你地既生命，已經係我手。」

果然，佢地跑黎跑去，都係仍然係女郎既範圍之下。

「唔想死既話，乖乖咁坐低。我地繼續講故事吧。」

香郎撫著工霸的臉，狠狠咁錫左一下。

「點解我細路會死左？點解你要害死佢？」祖霸聲嘶力竭咁問。

「係啦，我地同你無怨無仇……」君霸都鐵青著臉。

香郎既眼神變得更加妖異，佢歇斯底里咁笑左幾下：

「無怨無仇？好一句無怨無仇。但係佢做既好事，俾我知道左，呢個就係佢既下場。」

「我無刻意整死佢。整死佢既係佢自己既罪，同佢既慾念。」

香郎講完野，忽然個嘴角都流出左血。不過佢完全無理。

「到你地啦，你地是但一個，繼續講吧，講你地既故仔，講害人既故仔。向我讖悔。如果你地夠誠懇的話，或者你地就可以逃過呢一劫。」

「我一樣都會付番上一個你地想要既代價。」佢攤起雙手。

血既腥臭味撲面而來，佢地既親兄弟既屍首，仲係橫躺左係一邊。四處都係血跡斑斑。

燭光下，其餘兩兄弟已經面無人色。佢地兩個另轉面，作出好似遺言一樣既商討。

「哥，我唔想死！我真係唔想死！好恐怖呀！！」祖霸哀求。

「定D 黎，冷靜D。工霸係死左。但係無辦法，我地仲係度，要諗辦法解決呢個人，再出番去！」君霸相當之鎮定。

「可，可以點做呀？」

「無辦法啦。我地對住呢個人，似乎一定要和盤托出，如果唔係就會死得好慘。佢話要讖悔，係一定要將自己既衰野無保留咁講出黎先得架。三弟不盡不實，色心又起，當然就會搞成咁啦……」

「哦，哦。」祖霸打著哆嗦，「咁我地邊個講呀？」

「唔緊要，等大哥去講啦。雖然大哥平時無咩衰野做，但作個總有既，等我去啦。」

君霸作狀要起身。

「唔…唔得！如果俾個女人知道你講大話，你死硬架。」

「無辦法架啦。我唔可以眼白白睇住我D兄弟死架。」

「唔得，你同官小姐都就快結婚。唔得啦，大哥，不如等我去啦。」祖霸哭喪著臉。

「你，真係無問題？」君霸眼神堅定，「我已經做好左隨時為你犧牲既準備。唔通你都得？」

「大哥，無問題。」祖霸拍拍君霸既膊頭，「我一定都俾你照顧得耐，今次都輪到我幫番你。」

「好兄弟！」君霸十分感激，「咁你小心D啦。」

君霸另番過黎，好認真但係又好斷斷續續咁講，「我講，我講我既故仔。你聽完如果覺得真心又滿意，請你答應我既請求。」

香郎咧嘴笑：「好，好呀。」

「我係一間鋪既業主，好耐之前租左俾一家人做文具生意……」

香港係資本社會黎架嘛，講咩都係自由市場架啦。

老伯做得生意，梗係要交租架啦。呢個係天經地義架嘛。

當然其實我一直都唔係好想租俾佢架啦，但係舊時又係舊街坊，咪諗住都捱下義氣囉。

咁但係人係要食飯係要生存架嘛，唔通人地個個都加晒租啦，我都唔加咩？

經濟依家咁好，失業率又咁低，人人都有錢架啦。

我加少少租，都唔算多，10%到唶。人地D名店仲加20-30%啦，又唔見人地會嘈？

香港係自由市場黎架嘛。我唔會有錯架喎。

咁但係老伯又話交唔到租啦喎，又話要拖下先又盛喎。

任何人都覺得煩啦下話，咁友情牌都唔係咁玩架嘛。

咁我咪走去同佢理論，如果再唔交租，就會收番佢間鋪架啦。

點知佢又係我面前又跪又西，叫我再俾佢寬限下。咁樣真係唔得架喎。

唔通我又唔等錢駛咩？於是我咪諗到一個辦法，同佢講，我識一個叫文哥既，不如你問佢借D錢，俾左條數我先。借文哥既遲D慢慢還番啦。

文哥放貴利既，但係佢有應承我，對老伯佢會寬容D，收低D息。我唔理架啦，總之佢唔想法律去解決問題既，咪用另類方式去解決問題囉……

最緊要係我收到錢。呢個係我作為業主既應份既義務。而佢作為租戶，呢個就係佢既責任。

唔好話我呃佢借大耳窿呀，你情我願架嘛……又唔係我拎支槍指住佢個頭問人借……

點知呀，好快老伯真係又還唔到錢俾文哥喎。文哥黎搵我，同我講，話佢會做野，驚整污糟我間鋪。

我本來諗住，佢最多係我間鋪淋下紅油唶，應該無咩相干呀。咁咪同佢講，你鍾意做咩咪做咩囉。

點知佢原來唔係去淋紅油咁簡單。佢係去淋電油呀，仲要係一下子鎖左人地個鐵閘，然後放火燒左人地間鋪呀。

本來呢D小懲大戒都無咩所謂既。但係點知後日睇番新聞，原來老伯成家人都住係間鋪入面。

佢個仔，佢新抱，佢兩個孫女，一個十歲，一個八歲，就咁活活燒死左。報紙賣左出黎，我睇到，幾件變晒炭，好慘呀……

文哥當然係呢件事即刻潛左水走左佬。警方過黎落我口供，我咪如實回答囉，反正係老伯自己借錢，唔關我事既都。我只係個業主黎架渣，收租係我既職責……

「唔關我事架，真係唔關我事。」祖霸喃喃自語。

「真係唔關你事？」香郎係祖霸面前，晃黎晃去。

「唔……唔係，關我事，係我害死老伯一家既。我點知文哥會玩到咁大……真係唔知架，佢地死左，我都好內疚，每日訓少幾粒鐘架。依家我個鋪再租唔出，我既利益都受損架……唔係剩係得佢地係受害者黎架。」

祖霸大口大口喘氣，燭光細細搖晃，但未有熄滅，金黃色既火陷依然燦爛如昔。

「但係，我係呢件事上面，都有小小錯既……但係過去既野都補償唔番架啦。我只可以更努力咁生活每一天囉。呢個係我既格言黎架。」

「估唔到，原來發生過咁既事。」君霸掩住口。

香郎雙眼發直，望住祖霸：「你無其他補充啦……」

「有，我有……」祖霸汗出如漿。

「老伯個仔，其實係我舊同學。以前係個風頭躉黎，成績又俾我好；追女仔又追左我鍾意果幾個。不過天有眼，佢因為官司纏身連工都無埋，要同佢老婆咁折墮咁住係間鋪入面。我不嬲都對佢無好感。唔係。」祖霸索性豁出去。

「我一直都憎佢搶晒我既風頭，我想佢死好耐！所以文哥搞掂左佢甚至，我真係好開心，開心死了！呢種人係死有餘辜架。」

「好，好。」香郎由哇的一聲，又吐出一口血。佢笑：

「咁你想要D咩？」

祖霸結結巴巴：「我既野已經講左……希望你可以放過我地，我地想離開呢度。」

香郎陰側側咁笑。就好似係山洞入面咁，佢既笑聲係度不斷擴散迴響。

「我仲以為你又會好似你細路咁，想對我做咩咁。牡丹花下死，做鬼也風流。好似佢咁都算死得痛快，唔好咩……」

祖霸回望左死左既工霸一眼，機伶伶打一個寒戰，急忙搖手：「唔駛喇。唔駛喇。我地只係想離開呢度。」

香郎望望祖霸，又望望君霸，忽然間，佢向上一指，兩人不約而同向上望，但係上面只係一片黑暗，咩都見唔到：「你要離開？嘻，嘻嘻。得，你地其中一個係可以走既。但係其中一個，就要留係度，永遠咁陪住我。」

兩兄弟寒毛直豎。唔單止要陪住呢個全身血污衣不蔽體狀若瘋癲既變態女人。連埋佢地三弟條屍，呢個絕對係地獄。

但係問題係，邊個會肯留低，俾另外一個人走？

祖霸慢慢咁行番去君霸旁邊，佢話：「估唔到個女人想我地自相殘殺。佢已經害死左三弟，都仲咁狠毒。」

「二弟……」

「不過唔緊要，大哥，我岩岩企左出黎，就已經將生死，置於道外。所以，你唔需要擔心，我決定左，我會留低。」祖霸握緊拳頭，雖然個樣好似一下子老左十年，看起黎神情都好似幾堅決。

「二弟，我點能夠掉低你！不如我地一齊對付……」

「大哥，此事萬萬不可。你見岩岩個女人咁樣整死三弟，事情一定唔係偶然。邊有人可以射野射到出血然後死？名副其實既精盡人亡！我地唔好亂黎。聽我講，我地三兄弟如果都死晒，我地屋企可以點？一定要留番一個！」

「咁樣……」君霸仍然相當猶豫。

呢個時候，香郎又將手沾滿地上既血，然後又唔知係邊拎起一堆新既蠟燭。逢一聲，D蠟燭又點著左。「我想講呢……如果想走，好快D，向住呢個方向，一直跑，就可以出番去！再過一分鐘，就你地兩個留低同我慢慢玩啦。嘻嘻，保證你地會爽過你地岩岩去左既細佬架……」

「大哥！！」祖霸一聲大喝。

君霸淚盈於睫：「好，好，二弟，你要好好保重。」

「大哥，放心啦。或者我遲D同呢個女人講好，都可以出番去。我地出面見！」祖霸伸出單掌，君霸照做，大力一拍。

香郎好似睇住最後晚餐幅畫咁，望住呢個情景。香郎然後又咳一聲，照例又噴出鮮血。佢件衫本身啡色，可能都係血黎。

君霸於是慢慢行開佢地，但仍然不斷向後張望。終於，君霸開始加快腳步，向住香郎話係出口既方向走。

但係估唔到，呢個時候，祖霸唔知係咪係個後袋，拎左個數碼相機出黎，用盡氣力，竟然一掟正中君霸既後腦。君霸甚至無慘叫一聲，就即刻訓低左。

祖霸大叫一聲，就沖左埋去，然後大力咁對住已經暈低左既君霸，即係佢親生大佬，拳打腳踢一輪。君霸始終都郁都唔郁喇，祖霸先回番頭，望住香郎，獰笑左一下。

「要我係度一世？你都諗得周到。仆街，屌你老母！你估你係大哥，真係大晒呀，我由細到大，仲唔俾點夠咩？今次，我仲唔點番你，屌你啦！嘩哈哈。」

祖霸吐左一口口水：「你，答應左，會俾我地其中一個人，離開。依家三弟死左，我大佬已經昏迷左，我係唯一一個可以離開既人。我要即刻走！！」

香郎伸出利，舔兩舔，慢慢行近祖霸：「無錯，你可以離開。」

「咁點，我要邊個方向行？快D講！如果唔係我連你都可以隊Lum埋！」祖霸見香郎起咁吐血，惡向膽邊生。

「呵呵，呵呵，想殺左我？我想死好耐啦，哈哈，哈哈哈。」

兩人係黑暗中對望。

「你離開啦，不過我講既係，你既肉體可以離開，但係靈魂，唔可以。」

祖霸忽然控制唔到自己，不斷慘叫，好似係好痛，又好似感覺唔到。然後佢見到自己，全身撕裂咁，頭髮毛髮條條脫落，接下黎，開始皮膚一個一個地方咁樣龜裂，然後滲出血水。

「嘩，嗚嘩，嘩嘩嘩嘩嘩嘩嘩嘩！！！」

香郎睇住祖霸既身體慢慢咁標血，愈標愈多，終於，好好地一個人，化成一堆血漿，噴灑係地下。

上面得番佢既衫，同埋各種各樣既毛髮。香郎走向前，大力咁聞，然後慢慢咁，陰聲細氣咁講：

「連自己既大哥都唔放過。假仁假義，死既情況果然係會更加恐怖喎……」但係言猶在耳，忽然間，之前精盡人亡既工霸既身體，忽然間郁起上黎！

香郎呆左一呆，即刻大力拍手：「哦，哦！原來仲有下文呀，好呀好呀！」

工霸搖搖晃晃咁起身，第一件事，竟然係哈哈大笑：

「你唔俾我既靈魂離開？你整爛我既肉身？唔緊要！命不該絕，但唔代表我會就咁就死既。我細路既身體，已經成為我既寄居喇，嘩咯哈哈哈哈！」

香郎重新打坐係蠟燭堆前，合埋眼。佢無回應呢個究竟係工霸定祖霸既豪情壯語。不過其實無論點睇，呢個依家成身都係血污既，點睇都只係似一個怪物多D。

「點解唔出聲？」

香郎重新張開眼，佢好整以暇，側起頭，回答：

「因為太多人啦，我唔需要講野架啦。哈哈。」

「邊有其他人呀仲。你咪再係度亂咁講野啦，八婆。」

「屌你老味，快D放我出去。快D放我出去呀，仆街！」

「咦，做咩我會講野架，做咩我會忽然講粗口架。」

「二哥，仆街，點解你會係我身體入面？」「咦，你唔係已經死左？」「你就死撚左，我一直係度呀，仆街！」「呢個身體依家已經係我架啦。」「你收聲呀，撚屌，出番去。」「嗚哇哇哇哇！」兩把聲重疊埋一齊，呢個肉體，竟然一下子，裝住工霸同祖霸既靈！

香郎好似講普通教科書咁，開始作出解釋：「你入左你細佬身體，但係亦因為咁，你細佬既身體再次轉活。咁佢既身體就會召喚佢既靈魂。所以你地依家就好似兩個人爭一張被咁。不過，佢既靈魂只會有一部分。」

「哈哈哈，咁呢個身體，點都係我架啦！」祖霸聲大大。而工霸就喘氣，粗暴咁講：「仆街，屌你老母，屌你老母呀！」

香郎又古怪咁笑左一下：「不過，你唔知道呢個世界上，有樣野叫排斥咩。」

「咩排斥？」

「就算佢靈魂得番幾少都好，肉體仍然屬於佢。所以一個係外面既野入左去，幾強大都會被認定為外敵，於是，就會產生排斥。肉體亦會再度撕裂。」

說時遲那時快，工霸既身體，一處又一處咁爆出一個個小血泡，拍一聲，又爆一個；拍一聲，又再爆一個。流出既係似血又似膿既液體。

祖霸同工霸一同慘叫，可見佢地承受住極大既痛苦。但係工霸又一下子係度狂笑：「好呀，仆街冚家富貴啦！！！」

香郎：「仲有，因為工霸既肉體靈魂已經重新連結。岩岩既咀咒，又會重新啟動啦。Come on baby.」

工霸既下體，又再一次慢慢既勃起，然後開始漲紅，血脈賁張。「唔好呀，唔好──呀───」

但佢一方面竟然又係褲袋拎出鎖匙，然後再手震震，掀開入面藏有既十字軍刀，原來呢個係祖霸既指令：「細佬，無為享受呢D死去活來既高潮啦，我幫你一下引刀成一快仲好啦！」

「屌你，唔好呀，你夠膽幫我奄左自己，我殺左你。我殺左你呀屌！！！」

「你唔咁做盞又好似岩岩咁架渣，黎啦！！唔好俾個女人控制你。」刀光一閃，成條撚就咁飛脫，伴隨住血光，跌左入去蠟燭堆入面。

「哎呀，唔記得左同你地兩個講。」香郎施施然，睇住果碌鳩慢慢燒焙。「陽神就係呢度，亦即係你地既靈魂此刻既暫居之所。燒左，就無架啦。嘻嘻嘻，肉身隨即腐爛成漿！」

兩人又是一聲聲重疊既慘叫。終於，工霸既身體又再一次訓低。不過，已經化成一堆無法辨認既爛血粥。

香郎忽然靈光一閃，即刻將係火入面已經燒成炭既陽物屍骸取出，然後穿係佢既頸鍊上面，先重新戴上。「正。好正，太正啦！」佢發出一聲又一聲既嗥叫，即使一路叫一路吐血，亦再所不惜。

「你仲想訓到幾時？你兩個細佬已經死左啦。你都應該起身啦。」香郎回過頭，向住君霸，一指。

君霸搖搖晃晃咁起身。「點解，點解你要咁樣害我地。」

「所有野都有因果。哈哈。佢地就係要今晚死係呢度。」香郎把玩頸鍊，佢既臉經過多番吐血，已經愈黎愈白。「但係你唔同，冥冥之中，只有你可以出去。你仲可以就咁走出去。」

「下，就係咁？」

「無錯，就係咁。」

「我唔需要再講故仔？」

「唔需要，佢地已經幫你付上左需要出去既代價。」香郎回答。

「咁你呢，你仲會唔會講故仔？」君霸一步一步走近。

「啊哈哈哈，你仲想要我講故仔咩。」香郎將一支又一支蠟燭吹熄。「我諗我都唔需要再講故仔架啦。反正我既時日都已經唔多喇。不過，如果你真係想講既。咁我就講啦。」

「你會殺左我，然之後仲會盡情咁蹂躪我既身體。我既身體……」

死寂。

「你呢個算係咩故事？」君霸陰森問。

「我呢個唔係故事，而係現實。呢個就係今晚所得到既必然結果。」香郎重新盤腿打坐。

「哼，唔好傻啦。我唔會殺你！」

「真係，你真係唔會殺我？咁樣你對得住你死去左果兩個細佬咩？」

「佢地死有餘辜。我估都係因為做左陰質野，所以應有此報。佢地既死同我無關！」

「你錯啦。」香郎打斷君霸。

「錯？」

「呢個世界無話咩應有此報。佢地既死，基本上同佢地做既壞事無關。而你今日可以平安離開呢度，當然亦唔代表你無做任何壞事啦。」

君霸一震。佢惡狠狠咁望住香郎：

「你，你究竟想點。」

「哈哈，你仲問我。我已經無其他野可以做。你鍾意既，可以殺死我。真係咁高尚既，你咪離開呢度囉。不過－－」

「如果你唔係殺左我既話，或者因果又會再一次改變。到時你出到去，會係咩世界，我都唔能夠推斷。可能你位官小姐，就會，嘿嘿嘿……」

君霸聽到呢度，終於忍唔住，隨手就執起岩岩用黎掟中佢個相機，兜口兜面就扑左落香郎個頭度。

香郎悶哼一聲，即刻訓低。鮮血係個頭度好似噴泉咁係咁標。好快，佢就郁都唔郁。

「挑，姦你？」君霸咬牙切齒。係佢面前吐一口口水。「你真係睇得起你自己。我從來係唔會俾人要脅既。要姦既我唔會姦第二個，駛搵你？但係你一定要死！」君霸然後再舉起個相機，一路扑，一路扑，扑到香郎個頭完全爛晒為止。個相機打打下，都變成得番少少零件仍然存在。

君霸兩隻手都係鮮血。果種黏乎乎既感覺，令佢有異常既快感：

「我無好似二弟三弟咁直接害人。但係我係做地產發展既，樓價升升跌跌，都累死唔少人。我但係依然搵唔少錢，咁唔通你就可以因為咁而制裁我？我無犯法！無人可以奈得我何！就算依家你唔知點樣整死左我兩個細佬，你一樣都無我乎，仲要俾我打死。」

「你咁想我姦你呀嘛。好！」君霸隨手拎番起香郎仲剩餘既頭髮，頭皮同D碎骨，索性好似釀鴨咁，通通塞晒入去香郎既下面。好核突，但係君霸就做得非常起勁，甚至到將最後一舊唔知咩肉都塞埋入去果陣，大笑左出黎。

君霸仲張原來掛左係香郎既果粒炭都扯番出黎，最後都隊埋入去。然後先口中念念有詞：

「工霸，咁你既心願就達成左。算大哥還番一個人情俾你。你去得安樂啦。」

君霸然後係褲袋拎番張手帕出黎，抹乾晒手上既血，又抹乾自己臉上既汗。然後整理好衣衫，施施然咁行開了。

「嗚哇哇！！！！！！！」

「？？」

「嘩，呢個人成頭成身都係血，真係好逼真呀。」

「係喎。估唔到今年真係可以請到D咁有質素既化裝師。你聞下，呢個人直頭成身都係血腥味添呀。真係好恐怖。」

君霸行左唔知幾耐，終於出番黎，見到人。

佢以為D人會即刻打999報警拉佢，點知原來完全唔係果回事。

因為今日係萬聖節。係喎。

佢明白其他人既反應之後，呆左一呆，然後獰笑了，嘿嘿嘿嘿嘿，索性繼續對住D行人，張牙舞爪。

「嘩！！！！」

「咿呀！！！！！好驚呀！！！！」

這夜既萬聖節，和往年一樣，都係咁熱鬧。無人留意忽然間少左幾個人，就好似本身君霸就係獨子一樣，佢無任何兄弟。

呢個已經係一個新既世界掛。君霸唔理咁多鳥。佢同自己講一聲，萬聖節快樂，繼續手舞足蹈。

(完)