(beta 公測版本)
< 返回

《雨傘女俠》

作者:其他
日期:None

人有咁上下高度(I.e.人哋開遮會插到眼為標準),就會知用傘之道,在於沉肘。擋字訣。人哋想爆副眼鏡,沉肘;想側傘倒水落嚟,沉肘用傘尖拮住佢塊遮布。師奶望一望我,我漠然望一望佢,黃金甲上身:朕俾你郁遮你先好郁,朕唔俾,你咪郁。
特務都有用黑傘頭抹毒插人腳嚟暗殺,總有啲八婆由上向下一收縮骨遮,一招順水推舟將啲遮上面嘅雨水全部淋落你對腳面度。you see it coming, 控制自己唔好鴛鴦連環腳將佢個頭當毯咁踢 - 不論你功力有幾深。向後縮加句“丟~那星“就夠。不幸遇伏,先諗諗好唔好除咗對鞋將裏面啲水倒返落佢個頭度。我哋假設對鞋唔吸水。
喺地鐵逼,用嘅唔係拈衣十八跌,係纏。黐住前面條友,附骨之蛆咁用肚腩頂住佢背脊,記住雙腳保持無意義嘅提起放下,自然後面嘅人會推你向前你一分力都唔駛出,佢哋叫借力打力,曹仁超大師叫依個做:c。順住個c, u know?

如果你喺街見到我傻笑,你由我啦,十成九我mentally KO 緊好多人,或者9寫bullshit緊啲無關痛癢嘅irritation。
But u would never know, 嗰個腥風血雨屍橫片野嘅世界,係幾咁快意恩仇,幾咁寂靜和諧。我嘅笑容,係會幾咁天真,幾咁痛快。😀😁😂

全文 375 字 (唔計英文、空格、標點)