(beta 公測版本)
< 返回

《粵典實習生合約》

作者:其他
日期:2014年7月4日

恭喜你,你得咗喇!我哋認為你符合招聘條件,而家誠意邀請你加入我哋公司([COMPANY NAME],以後簡稱「我哋」或「公司」)擔任[JOB TITLE]一職。你返工嘅日期係由[START DATE]至[END DATE],薪金以每「工作小時」計算,時薪係港幣____蚊,並無其他津貼或酬金或醫療福利。如果你工作表現良好,我哋可以發放花紅,金額由公司決定。你每星期工作最少___小時,最多___小時。如果有需要,工作時間可以喺雙方同意之下另作安排。 上述「工作小時」指你實質履行工作職責嘅時間,所以唔包括:食飯時間、「蛇王」時間、休息日、公眾假期、病假或任何其他假期。如果打風、落大雨、或者有任何原因而唔可以安全返工或放工,你需要向上司溝通另作安排。如果聯絡唔到上司,你須要留喺安全嘅地方。

你嘅上司 [MANAGER NAME]先生/女士 將會為你安排工作同埋工作時間表。你要向上司匯報工作進度,並遵從佢工作上嘅指示。

你所有工作期間嘅作品嘅版權都無條件轉讓俾公司。你承諾唔會喺工作期間作出任何侵犯版權嘅行為、或者任何犯法行為。

你承諾未得到上司批准之前,唔會將任何屬於公司嘅機密資料泄漏俾任何人。呢個承諾喺你同公司嘅僱傭關係完結之後仍然生效。

試用期係一星期。一星期內任何一方終止合約無須事先通知。試用期之後,如果任何一方要終止合約,通知期係七日,或者相等嘅代通知金。通知金嘅金額係你每星期最少工作小時(見上)嘅工資。

由於你返工日期前後不超過59日,公司唔會為你安排任何強積金計畫。(如果呢份合約標明嘅返工日期前後超過59日,則原本嘅結束日期無效,以第59日完結作準。)

為咗符合《入境條例》第 17J 條同 17K 條,你必須俾我哋檢視你嘅身份證明文件。我哋會根據法例將你嘅資料備存。我哋亦可能會向你索取其他個人資料 (如出糧戶口、電話、地址、社交網絡帳號等等) 作行政用途。

The undersigned agree that they understand the contents of this contract, not
withstanding that it is drafted in Cantonese (except this section), and agree
that this contract has the full legal effect of an employment contract as if it
were written in Standard Chinese or English.

如果你同意以上條件,請你簽返個名。

僱員簽名 僱主簽名

__________ __________
姓名: 姓名:
身份證號碼: 職位:
日期: 日期:

____________
公司印鑑

全文 658 字 (唔計英文、空格、標點)