《５６Ｋ　ＭＯＤＥＭ上網嘅情趣》

方老提起少年你太年輕了，令我諗起另一Ｄ野：依家上網連線打機，要幾快有幾快都叫做暢通無阻，仲要進化到有專用鍵盤同滑鼠。我地以前要打ＯＮＬＩＮＥ　ＧＡＭＥ，就痛苦咯：
　
首先就係「吱吱吱嘟——」，以前仲係用５６Ｋ　ＭＯＤＥＭ上網既，速度慢唔好睇啦，最大劑既係要霸左一條電話線！首先屋企你有家姐或者一位師奶，果時既電話線等同生命線，係無人能阻既。阻住佢地打電話，隨時會有殺身之禍。而就算俾你上到網，又如何，突然有人想打電話，一拎起個聽筒，你就會斷線，於是又會聽到：
　
「吱吱吱嘟——」既聲係電話傳出黎，你想爆粗，都已經太遲。又等定俾ＴＥＡＭ　ＭＡＴＥ鬧死。你自己ＤＲＯＰ　ＧＡＭＥ唔緊要，如果要成個ＧＡＭＥ　ＲＥＳＴＡＲＴ，就真係灰到無朋友！
　
有Ｄ人果陣既屋企仲有ＣＡＬＬ　ＷＡＩＴＩＮＧ既話，仲大煲，人地一打電話黎你就斷線。我問你點打？不如玩單機版好過啦。ＯＫ，我俾你以上問題都解決晒，但你都仲有ＰＮＥＴ要俾。咩係ＰＮＥＴ？如果我無記錯，用電話撥號上網，原來要俾錢。好似係一個鐘兩個半定點。你就算無限上網百幾蚊包晒，隨時上網費都天文數字，俾阿爸阿媽追斬。
　
同埋果陣既電腦，ＷＥＬＬ，你係不可能成日換機的。於是除左玩超頻之外，好多時你都又要費盡心血熄晒Ｄ　ＥＦＦＥＣＴ，ＮＯ　ＳＯＵＮＤ，甚至ＳＥＴ　ＦＲＡＭＥ　ＲＡＴＥ。然後又要閂晒Ｄ唔等洗既軟件，甚至每次打機都要ＲＥＳＴＡＲＴ電腦一次，強制較虛擬記憶體，目的都係為左可以開到個ＧＡＭＥ，而唔係ＥＲＲＯＲ　ＮＯＴ　ＥＮＯＵＧＨ　ＭＥＭＯＲＹ。。。
　
依家好啦，咩都應有盡有啦。但係就已經搵唔番堆朋友啦。個個唔係掛住溫女就掛住湊仔。呢個咪就係人生囉。