(beta 公測版本)
< 返回

《苟姑娘頌》

日期:2017年1月4日

苟姑娘近照狀態大勇,屈爆全場,大洗太平地,除左「仙氣、無得輸、真。女神、好正」,甚至係好似舊時陳振聰咁只係識得講「好靚好靚」之外,其實我地仲可以用咩詞彙呢?不妨重溫一下。有需要袋幾個落袋,方便日常使用。
 
一般級數類:婀娜多姿、秀色可餐、俏麗動人、娉婷玉貌等等
精神攻擊類:驚鴻一瞥、驚為天人、驚豔、美得勾魂攝魄等等
外貌誇飾類:花容月貌、如花似玉、齒如瓠犀、螓首蛾眉等等
傾國傾城類:國色天香、曠代佳人、絕色之姿、十全十美等等
位列仙班類:美若天仙、清綺絕世、靈秀之貌等等
 
苟姑娘之所以不論男女見到,都會禁不住擊節讚賞,係因為當佢係巔峰狀態果陣,不論外貌身材,都近乎無可挑剔,加上佢係台灣出生加拿大華僑,但令佢添上一份特殊既東方氣質,確係美豔不可方物,即使佢廣東話之前唔正,都只會俾人變成係不食人間煙火上面加分。係,呢個世界就係咁唔公平。得天獨厚,受上天眷顧既人,就係會將缺點變成優點。所以即使佢體重超標,都只會係可愛,而唔係可憎。
 
依家有講咩DEVIL AND ANGEL,舊時古代就講「嬌嬈」定還是「清麗」。苟芸慧得天獨厚,基本上就係一人分飾兩角都無問題,完全唔會有任何爭議,嬌憨則惹人無限憐惜,秋波就教人想入非非。呢份美態真係相當罕見。一舉手一投足,就散發住要捕捉住全場目光既氣場。數近十屆既華裔/中華小姐,我真係諗唔到有邊個可以同佢匹敵。唔怪得佢可以一直都仲維持住咁高既人氣,仲有咁多人一直等佢返黎,再次顛倒眾生。
 
我諗大家都已經有條LINK我就唔貼喇。

全文 529 字 (唔計英文、空格、標點)