(beta 公測版本)
< 返回

《《馬太福音第十三章》 1906年新約全書廣東話譯本》

作者:其他
日期:2016年8月23日

《馬太福音第十三章》 1906年新約全書廣東話譯本

當個日,耶穌出曉家外,坐倒海邊,有群眾聚埋嚟到佢處,噉就佢落船坐,眾人企在岸上,就多方設譬喻嚟講話。有一個撒種嘅人,出去撒種。撒個陣時有的跌落路邊嘅,雀鳥嚟到,盡哋食嘥;有的跌落石地處,泥土淺薄,即時發芽,因為泥冇幾深呀,熱頭出嚟蒸佢,因有根蔃,就枯曉。有的跌落荊棘裏頭,荊棘生起嚟,偪住佢。有的跌落肥地,結實有百倍,有六十倍,有三十倍。有耳可聽嘅,就要聽嚹。

門生嚟對佢話:做乜同眾人講譬喻呢?耶穌答佢哋話:因為天國嘅奧妙,賜過你哋知到,惟係唔賜過佢哋,因為但凡有嘅必定賜佢至到有餘,但凡冇嘅,連佢所有都要奪埋。故此我用譬喻同佢哋講,因為佢哋睇都睇唔見,聽都聽唔聞,又唔曉呀噉。就在呢的人,應曉以賽亞先知嘅話,你哋聽嘅都聽唔曉,睇嘅都睇唔見,因為呢的百姓心係頑梗,佢耳懶聽,佢眼自己閉埋,怕到俾眼睇見,俾耳聽聞,心中曉得,就噲改變,俾我醫好呀。但係你哋眼有福咯,因為睇見呀,你哋耳有福咯,因為聽聞呀。我實在話你哋知,昔日有好多先知與及義人,想見你所見嘅都唔得見,想聞你所聞嘅都唔得聞,所以你哋要聽撒種嘅譬喻呀,但凡聽聞天國嘅道理唔曉,惡鬼嚟到,奪曉撒落佢心嘅,呢的就係撒落路邊嘅喇。撒落石地嘅,即係個個聞道,就歡喜接受,但係心內有根蔃,不過係暫時呮,及至為道有艱難,或迫害,佢就即時厭棄。撒落荊棗裏頭嘅,即係聞道之人,因今世嘅掛慮,與及錢財嘅迷惑,偪住個的道,就唔結得實。撒落肥地嘅,即係聞道就曉,亦結實起嚟,有百倍,有六十倍,有三十倍。

又設譬喻對眾人話,天國好比人撒好種落佢嘅田,但係當人瞓著個時,佢仇敵嚟到,撒的稗落穀裏處,就去曉。及至的秧秀茂,而且結成穀個陣,稗亦現出。田主嘅僕嚟對佢話:主呀,你唔係撒好種喺你田咩?稗喺邊處嚟嘅呢。主對佢哋話:呢啲係仇敵做嘅。僕人話:你想我哋去薅曉佢唔呢?主人話:唔好慌,怕薅個的稗連麥都拔起嚟。由得佢兩樣一齊長大,至到收割收割個時,我話過收割嘅人知,先揀起的稗,札埋成把嚟燒佢,獨係收麥入我嘅倉。

又設譬喻對佢哋話:天國好比一粒芥菜仁,有人擰嚟撒落佢嘅田,佢係百樣仁之中至細嘅,及至生長起嚟,大過各樣蔬菜,而且成為樹木,至到空中嘅雀鳥,嚟住倒佢的枝處。

又設譬喻對佢哋話:天國好比麵種,有個女人擰嚟擠落三斗麵中,致令盡哋發起嚟。呢的咁多,都係耶穌設譬喻講過眾人知,若唔係譬喻,就唔同佢哋講。噉就應曉先知所講嘅話,我將要開口設喻,我將要講明自創世以來所隱藏嘅。

個陣時,耶穌呌眾人散曉,入去屋裏,佢門生嚟佢處話,田稗嘅譬喻,請解明我哋聽。耶穌答佢哋話,撒好種嘅,係人子呀。田係世界好種,係天國嘅子民,稗係兇惡嘅子民,仇敵撒稗嘅係魔鬼,收割個時,係世界末日收割嘅係天使呀。所以好似聚集的稗,俾火嚟燒,在世界末日亦係噉樣。人子將要打發佢嘅使者,由佢國中,聚集埋所有陷人落罪嘅,與及為惡嘅人,丟佢落火爐,喺個處必定哀哭,咬住牙齒咯。個陣時,公義嘅人,喺佢父嘅國處,好似日咁光明,有耳可聽嘅,就要聽嚹。

天國好比寶物藏落田嚟,有人遇著,就隱秘住,好歡喜去賣曉所有嘅,嚟買個笪田。

天國又好比一個做生意嘅人,搵好珍珠。遇著一粒珍珠好值錢嘅,就去賣曉所有嘅嚟買佢。

天國又好比網撒落海聚集埋各樣水族。已經滿曉,就拉上岸,坐倒處,揀起個的好嘅入落器皿,唔好嘅𢫕曉。世界末日,亦必係噉樣,天使出嚟,喺善人之中,分別出惡人。𢫕佢哋落火爐,喺個處必定哀哭咬住牙齒咯。

耶穌話,你曉得嘥呢的唔呢?佢哋話,曉得咯。耶穌對佢哋話:故此但凡讀書之人,學曉天國嘅,好比一個家主,喺佢庫房,攞新舊嘅物件出嚟呀。

耶穌講完呢的譬喻,離開個處,就到自己家鄉,喺佢哋會堂教眾人,眾人就見出奇,話:呢個人從邊處得呢的智慧,與及才能呢?呢個唔係木匠嘅仔咩?佢母親唔係呌做馬利亞咩?佢兄弟唔係雅各、約瑟、西門、猶大咩?而且佢姊妹,唔係都在呢處住咩?佢從邊處得嘥呢的呢?噉就厭棄佢,但耶穌對佢哋話:做先知嘅人,除曉佢本鄉本家之外,無不尊敬佢。耶穌喺個處,唔多行奇能,因為佢哋唔信呀。

全文 1428 字 (唔計英文、空格、標點)