(beta 公測版本)
< 返回

《馬前覆水》

作者:青永屍
日期:2016年8月4日

[故事時間]2
又係漢朝故仔。今次故事主角係酷吏朱買臣。不過呢個故事唔係史實,係後人屈佢的。
話說朱買臣未做官之前響座山斬柴,阿原配崔氏就嫌佢窮,覺得斬柴正廢青,逼迫朱買臣同佢離婚!
朱買臣勸黎勸去,崔氏都係唔甘心捱窮嫁窮鬼,磨好墨舖埋紙推朱買臣埋位寫分書。

時光飛逝好衰唔衰,所謂風水輪流轉、粉皮炸過變春卷,畀朱買臣做左大官富貴榮華、衣錦還鄉,呢個崔氏就家門零落做左乞兒婆。不過,崔氏有唔怕死的精神,攔路認夫,希望朱買臣重新娶返佢,以博安樂茶飯。

朱買臣梗係唔濟,升官發財無老婆即爽到好似吳克儉果種人生贏家嘛,所以朱買臣叫齊鄉親父老,同崔氏立約,話在馬前覆水,倘若崔氏能夠點滴重收,佢就重娶崔氏。崔氏見有一線生機,就點頭話好。朱買臣一個唔該,信手覆水;水淋馬頭,一聲長嘶,匹馬就晃頭一抖,水濺四周,崔氏想收都收唔切。

可憐崔氏就地自盡。
完。

全文 322 字 (唔計英文、空格、標點)