《【粵譯】北門邪》

北門邪

自瓊至崖，所歷州縣，皆杜北門不開。曩時，瓊郡午後鬼入市廛，以紙錢貿物，核之僅灰燼存焉，於是皆試錢水中，驗浮沉以別人鬼。有堪輿言：「宜杜北門，作真武廟以鎮之。」有司如其言，鬼怪遂滅，故十州縣皆效之。此甚妄也，北非鬼門也。鬼無形，隨在可以出入，有司者盡人道以杜之可耳，何必門。故曰： 「有道之國，其鬼不靈。」

──屈大均《廣東新語》

粵譯：

北門邪

由瓊山[1]去到崖州，經過嘅州縣，全部都封咗北門唔開。舊時，瓊州府[2]下午會有鬼入市，用紙錢買嘢，店家查數嗰時，只係得返啲灰。所以店家都會將收到嘅錢放入水，試下佢浮定沉，從而判斷顧客係人係鬼。有風水先生就話：「最好就封咗北門，然後起北帝廟鎮住佢。」瓊州府聽佢話，從此就冇晒鬼怪，而瓊州十州縣都仿效，封咗北門。

呢件事其實好荒誕。北門又唔係鬼門，而且鬼係冇形體嘅，喺邊度都可以出入架啦。做官嘅人盡人道，自然可以杜絕鬼怪，又使乜用門？「有道之國，其鬼不靈」呀嘛。

[1]《廣東新語》初版為康熙中，當時崖州仍係瓊州府屬下散州，故判斷第一個「瓊」字係指瓊山縣。瓊山縣，現海南海口市東部，原瓊州府治，為海南島首府。清末以其外浦海口為通商口岸，首府地位漸由海口取代。1988年海南建省，以海口為省城，2002年瓊山縣併入海口市，保留瓊山區名。
[2]清代海南島屬廣東省，全島由瓊州府所轄。光緒三十一年，南部崖州升為直隸州。民國初，府、州建制皆廢除，崖州改為崖縣，中共後來改為三亞市。原文「瓊郡」，因自宋以來，縣以上行政區名目眾多，故統稱/雅稱為郡。