(beta 公測版本)
< 返回

《中文垃圾,一定要插》

日期:2016年6月9日

既然神駒咁慘豬,俾人禁言廿四小時,不如我地繼續一齊黎,一邊圍爐,一邊好中肯地睇下,究竟呢段字,仲可以有幾多問題:
「炎炎熱熱的端午節,除了在水中起舞的龍舟、互相祝福的端午節快樂之外,糭這個傳統食物也是這個節日不可或缺的一部份。但這個糭不是「蛇齋餅糭」的糭,而是一個來自尋常百姓的自製糉。」
(1)炎熱寫成炎炎熱熱,不算是錯,但十分多餘。詞彙之匱乏可想而知。
(2)在水中起舞的龍舟,用詞不當,情景令人難以想像。
(3)互相祝福的端午節,我真係生活係香港咁多年都未見過,拜年咩?
(4)「除了在水中起舞的龍舟、互相祝福的端午節快樂」係超級病句。
甲:互相祝福的端午節快樂,不通。除非端午節快樂,係一個人。
乙:有歧義:係咪指有人係水中互相祝福?教人摸不著頭腦!!
丙:端午節配快樂,正如清明重陽,亦一樣快樂,令人嘖嘖稱奇。
(5)「糭……的一部份……的自製糭」出現三個「這個」,極度多餘。
(6)以上呢句,亦出現「糉」呢個字達四次。好得人驚。
(7)「糭不是蛇齋餅糭的糭」,難道來自外星?邏輯有極大問題。

如果用鄺體改寫,雖然核突,但起碼未致於精神失常:
「端午節,很炎熱,
除了觀看龍舟上的,健兒們,替他們打氣,外,
我們也可以吃個糉子。
是來自尋常百姓自製的話,
又豈是建制派的,蛇齋餅糉,可比?
既傳統,又可口,
是這個節日,不可或缺,的一部分,啊。。。」

當然咁樣寫完,清姥姥等人會出黎屌啦。咁仲有正常版既,就係:
「時值端午,天氣暑熱,除觀看龍舟競渡,吃糭懷古,亦有一番滋味。猶其是來自尋常百姓的自家炮製,又豈是建制派的蛇齋餅糭可比?」

完。我又等俾人禁言埋先。

(編按:文中病句引自 https://www.facebook.com/oscarlaimanlok/posts/1723098811309056 )

全文 545 字 (唔計英文、空格、標點)