《批判香港女權主義》

由於本人身處既國度同行業關係，同事全部女權分子，我見到來自香港既女權言論會激嬲，我脾氣控制唔好我認衰仔，我將對成個國家既怒氣發洩o係香港女權分子身上係唔公道的。因為香港既果D好多得把口，冇乜實際行動，我身處既國家同行業係成堆女性優先政策。但另一方面，即係咁，一個大陸人只要不是十足大中華膠我已經好欣賞，因為對方受過愛國洗腦教育，但一個香港大中華膠就有點煩。同樣地，o係我身處既國度，尤其高學歷既人，受過左膠洗腦教育，佢地就算係女權分子只要唔周圍羞辱人我已經會欣賞，相反o係香港自由思想環境長大既人，搞到同我身處既國家既離地撚一般見識，會唔會誇左D。

點解男人比女權分子蝦會關我事？物傷其類嘛，我大學本科係少數令我覺得被接納既地方，大家都怪毒型沒有誰比誰高尚。我的本科朋友，九成男人，要黎呢個國家做野係比制度恰到上心口的。睇唔過眼。我希望佢地o係香港會好過D。

父權社會係一個好差既傳統，男女雙輸，但女性主義將個制度定性為男人蝦女人，令部分男人走向極端，睇唔到父權既禍害，以香港黎講，最明顯係父權同強化階級有關啦，年齡職業乜都分輩份。父權主義係以前既男人設計既制度，錯在以前既男人，唔應該怪落當代既男人度，玩連坐法咩。女權分子會認同父權係傷害男人的，但佢地只會用呢個作為誘因去叫男人支持女性主義，佢地唔會真正為男人著想，佢地為男人vs 為女人爭取權益比例係1:99，被推埋牆角質問先會敷衍幾句為男人發聲。

甚至乎我覺得，o係第一世界，父權主義對男人既傷害比女人更大。其一係性別定型，限制男人同女人自由選擇生活，正如最近瘋傳果個妹妹果段野講，男人想做打破性別定型既野比女人要面對更大社會壓力，而且冇支援。我記得有個鍾意煮野食既男仔講，佢唔敢讀家政科，因為係女仔野。咁咪浪費人才囉，仲要廚師大部分係男人，中學科家政都搞成咁。其二係男尊女卑，仍然有好多想追返個仔既父母，生左一堆女當佢地多9 餘，個仔就縱壞，個男仔會有社交問題架，用返對家姐既態度對出面D人，唔識同朋友平起平坐相處，搵唔到女朋友，又唔捱得苦冇志氣，呢D男仔係父權制度受害者而不自知。就算係古代果種極端懸殊情況，打仗都係男人送死女人後勤，被俘虜既男人殺女人為奴。

講生理差異。女人唔係個個有生育能力及意欲，要生仔既女人係會冇左幾年時間呀，但要講生理差異既話男女各有唔著數地方喎，女人正係因為要生仔湊仔，係比男人少D病痛架，亦長命D。睇其他動物都係啦，越低等既越多係雄性中出完就玩撚完，雌性生夠仔先玩完。男人生理上既優勢令到男人適合做危險工種，女人生理上既優勢係令佢地適合護理老幼殘弱工作，於是男人工傷亡率遠高於女人。女人做乜工都被要求扮靚見人，係雙刃劍黎，女人亦可以靠樣搵食。

而且，自由市場，想擺幾多時間o係事業同家庭係個人選擇，香港男人平均工時長過女人，睇你點演繹架姐，都可以解釋為男人被迫出去長時間打工冇得好似女人咁容易劈炮唔撈返企湊仔。香港男人平均月薪高過女人，除返工時之後，平均時薪只係高女人百分之十一，而且未計教育水平同工種同年資。我搵唔到比較同教育水平工種年資既男女時薪差異，不過我搵到o係低收入人士之中，男女時薪係冇差異﹗外國有堆研究指考慮埋教育水平工種年資之後男人時薪都高過女人，但我唔認為外國情況可以照搬黎推測香港，因為香港本身冇證據指向呢樣野，而且外國社會科學研究偏頗左翼，結論為時薪差異不存在既研究會被屌到上天花板，結論為時薪差異存在既研究唔會被同樣嚴格審查其方法。

女權分子被攻擊，往往拋出標準答案：查字典。佢地會辯解女性主義原意唔係女人大晒，但佢地可有譴責過港女格，佢地點定義女性主義根本唔重要，重要既係佢地既行動同要求。同埋真係咁鍾意查字典既話，咁我同你講字根囉，女性主義呢個詞本身已有女性優先含意，外國班左膠已經進化到羞辱所有拒絕女權呢個詞既人，羞辱自稱平權主義或人權主義既人。臉書有個專頁係反女性主義既女人自貼圖，我好欣賞佢地咁勇咁大方，佢地當中敢出樣既應該係主婦，職業女性或學生會遮左樣先貼反女性主義既原因，其實都有風險，見到手見到衫都可能認得出架嘛。o係香港，發表反女性主義而不反女人既言論係會冇事的，就算有女權分子截圖叫全城聲討，最多你激嬲人咪比人封鎖；o係我身處既國家，後果唔係扑黎扑去，係告黎告去....

公道地舉一個唔應該用黎攻擊女權主義既例子。中大秘密臉書頁之前有篇貼文講中學文憑試偏重文科，對男生不公平。我認為，第一，偏重文科或理科係冇問題的，視乎時勢需要咩人才，不用分得那麼細大家都是讀書人，例如外國而家推緊全民寫曲（編按：code也）。第二，偏重文科係令理科生而不是男生處於劣勢，其實除非讀我果科或差唔多既野，否則理工科既男女比例唔係真係差咁大，未至於一眼望過去見唔到女人，令男生處於劣勢既講法係忽略左成堆文社商科男生。貼文果條友錯誤地攻擊女性主義，佢係中左父權主義將性別定型既陷阱。講開又講，讀我果科既女仔係有唔著數地方的，D男仔傾向唔搵佢地傾學術野。但班男仔又縱到佢地公主病，我見過幾次我果科既女仔打男仔，好嘔心，我恥與呢D人為伍，又係父權主義產物囉，男人要風度嘛。男人要負責任要揹鑊，男人打女人係男人既錯，女人打男人又係男人錯，男人出去滾係男人錯，女人滾都係男人唔顧家既錯.....