(beta 公測版本)
< 返回

《中國人嘅傲嬌》

作者:逆嘶亭
日期:2016年3月12日

今日教到2012年閱讀卷篇《橋》,教學生拎主旨同段落大意,學生嘅反應笑到我仆街。

曾敏之身為中國人,文章自然非常有中國人味。文章中後段提到,佢喺香港巧遇同鄉呂進文,因為所有「專業資格」喺香港都無用武之地(即係中國做醫生,黎香港要考多次試,理由相信大家都好明白),於是下定決心重歸祖國,尋找自己未來。聽到之後,作者心有餘悸,於是淨係話理解呂進文歸國。

關鍵喺篇末。作者除咗同情呂進文,自己亦極為思鄉,重話期望有條橋可以跨過台灣海峽,連結成一個中國,「溝通偉大民族不可分離的情感」。於是學生就問,到底佢自己本人渴唔渴望歸國?做乜佢心繫家國,但又要留喺香港?覺得佢好矛盾又好虛偽。

於是我就引咗曾敏之另一篇大作《空間》去解釋。其實佢就好似啲新移民婦人咁,把口成日嫌綜援少,又話喺香港飽受歧視,但講完一輪始終係賴死唔走。《空間》入面,佢埋怨香港係石頭城,話自己只有去到落馬洲,登高遠目深圳,至勉強覺得舒暢少少,心情好返少少。睇呢篇文,你一樣係會覺得佢好矛盾,唔明佢做乜咁恨返去又唔返去。

可能你會話佢隨時會以言入罪,好鬼可憐乜乜乜,但心繫祖國又只係口頭愛國,格仔紙上愛國,算乜嘢愛國?有乜資格抒發家國之思?一張回鄉證,就可以過羅湖橋,冇回鄉證,咪用自己方法上深圳,世上無難事,只怕有心人,點會有嘢阻到佢愛國,但中國人就係咁撚樣。所以有時我覺得啲中學生真係好慘,好想同佢地講聲加油呀!

全文 511 字 (唔計英文、空格、標點)