(beta 公測版本)
< 返回

《香港自主,四點掃盲》

作者:Ricke
日期:2016年2月27日

最近黃成智係選舉論壇質問梁天琦,大意是指香港如果冇中國供水供食物會死,引來網上一番討論。我發現有好多香港人搞錯幾個基本事實,忍唔住要講兩句:

1)香港靠大陸入口食物?
與一段人印象不同,其實香港人的主糧不依靠大陸。米,主要由泰國及越南入口;肉類主要由美國,泰國及巴西入口。香港真正依賴內地的是新鮮的肉類,相信打邊爐沒有手切本地牛食唔駛死的。蔬菜都係,不過這容易由其他亞洲國家入口(當然價錢會較貴,但也較安全)。

2)食物唔靠大陸,水都要喇掛?
大家需知道東江水是以「超」高價買入,當年的協議實際上是由香港人打救已破產的國企粵海投資,香港人每年奉獻幾十億元進貢,被人當羊祜也算了,難道還要欠人恩情?
再講,香港本身的水塘其實可以供應香港近半食水,再加建幾座海水化淡廠,香港 100% 自給自足食水並非不能做到。財爺最近拍板花 93 億起將軍澳海水化淡廠,將供應本港 10% 的用水。換句話說,再花四五百億,才半條高鐵的錢就可以換來食水自主了,錢花在這裡,我舉腳贊成。
這不單是獨立自主的問題,而係水資源在全世界都會日益吃緊,投資係呢方面,對香港將來的效用肯肯定係高過高鐵。

3)痴線,香港咁少人,講咩獨立自主?
唔睇真係唔知,現時世界上有 233 個國家,當中超過一半的國家比香港人口少。

4)算吧啦,香港經濟規模咁細,講咩獨立自主?
大話怕計數,按 GDP 計,香港的 GDP 高於很多人口大國,例如埃及(八千幾萬人),菲律賓(八千幾萬人),越南(九千幾萬人)。
呢篇唔係鼓吹港獨,只係討論要建基於事實,連基本事實都搞唔清楚,根本無討論基礎。

全文 554 字 (唔計英文、空格、標點)