(beta 公測版本)
< 返回

《生於文化亂世,只能話唔好彩》

作者:林非
日期:2015年12月17日

以一個修中樂嘅人黎講,我一點都唔鄙視中國文化,反而我為中國文化有我哋呢班不肖子孫感到好悲哀。好多中國文化嘅嘢,根本就欠缺有系統嘅歸納,無理論去歸納、整理,連古人其實諗緊乜做緊乜講緊乜都唔知,矇查查咁,有咩資格去評斷中國古代嘅文化?

最近上緊《星球大戰七原力覺醒》,星戰絕對係一個龐大產業,自己已經建立一套世界觀同美學觀,可以寫出無數故仔。但其實中國文字都有可以咁樣發大黎玩嘅文本,好多人話蜀山劍俠傳已經係,文字多,自己有一套世界觀自己有一套體系,仲影響埋後來嘅金庸等眾多作品(但我無睇過)。但你睇下而家中國人嘅電影係整咗啲乜撚嘢垃撚圾退聯嘢出黎?一味堆砌,堆砌一啲「特技」堆砌一啲「明星」就叫自己「大片」,真係笑撚大人哋個口。

生於呢個中國文化式微,中國文化一片混亂連自己都唔自己有啲乜嘅年代,只能話唔好彩。

全文 316 字 (唔計英文、空格、標點)