(beta 公測版本)
< 返回

《自己唔爭氣,人哋保你有乜用?》

作者:Jimmy Wong
日期:2015年12月15日

呢個世界真係有好多「專家」,玩左N年都可以連個big picture係乜都未諗清楚就成日亂噏24。

香港嘅經濟問題根源永遠係淨係識尋租剝削嘅地產霸權,競爭條例最大嘅問題係唔夠牙力,對地產商的既有利益完全不能憾動,合併之前唔需要政府批准,違反競爭條例亦都最多只能輕微罰款了事,不能夠阻止跨行業企業合併,不能夠強制壟斷市場的大企業分拆。競爭條例呢種一刀切嘅做法仲有好多問題,詳情唔該你問吓讀過通識嘅中學生。一條冇牙力嘅法例比冇嗰條法例更加衰,因為會製造左個假象出嚟俾人以為政府有做嘢。

唔好意思,做唔起自己個brand,淨係識賣commodity,唔識玩其他differentiation嘅零售業從業員絶大部分係寄生蟲,必須死。如果新競爭法生效下你都唔識轉彎發大來做,更加應該死。唔係一句小店光環就大撚哂。LED葯房夠係小店啦,淫民幣找換店都係小店來㗎,又唔見你去講兩句?連信用卡優惠不能惠及小店都可以攞嚟講,小店有幾多間接受信用卡付款?依家有樣嘢叫Fintech㗎大佬,先進啲好唔好?

開到一街都係,但係啲售貨員乜都唔識嘅SaSa,陳年雜貨鋪你都保,你叫賣元寶蠟燭,賣報紙嗰啲情何以堪?成日幫班固步自封嘅懶蟲廢柴爭取呢樣嗰樣着數,不如過檔去建制派啦。

全文 427 字 (唔計英文、空格、標點)