(beta 公測版本)
< 返回

《Mr. wally 唱得好聽,但......》

作者:林非
日期:2015年12月10日

近日呢位Mr. Wally 好紅,喺香港街頭賣唱出咗名,佢係日本人,唔識講廣東話,好多人因為佢嘅歌藝同鮮明嘅形象而留意到佢,每次獻唱都好多人聽,早前地鐵行李風波後,請咗佢去中環香港站閘內果個「藝術空間」獻唱,借佢「溫暖人心」同時修補地鐵形象。今日又喺合和附近見到合和請咗佢去唱歌。
 
我覺得好噁心。好虛偽。葉公好龍。
 
我唔係話 Mr. Wally 唱得唔好,相反佢表現真係中上有餘。我係對呢班咁趨之若鶩嘅香港人覺得好虛偽,覺得借佢做市場推廣嘅人好假。
 
因為:香港唱得到呢個程度嘅人,不知凡幾。有幾可見你香港人駐足觀看?有幾可見商場,地鐵請佢哋去演出?無!地鐵一樣係打壓乘客帶樂器,而且,你試下去呢啲商場獻唱?睇下佢哋趕唔趕?
 
香港人自己都有責任,大把香港人投訴人街頭賣藝,一見人玩樂器就話人行乞,乞食,丐幫,然後而家披個異國外皮就變咗「溫暖人心」,「音樂無疆界」?
 
虛偽。

全文 315 字 (唔計英文、空格、標點)