(beta 公測版本)
< 返回

《獻給香港保衛戰英魂之廣東話安息聖祭樂章》

作者:安德烈
日期:2015年9月19日

《獻給香港保衛戰英魂之廣東話安息聖祭樂章》
A Cantonese Requiem Mass for the Martyrs of the Defence of Hong Kong, 1941
作曲/粵詞:安德烈,聖馬利亞日15/8/2015

Requiem Introit 安息聖祭始禮詩
https://musescore.com/user/13028/scores/1125856

Requiem Graduale 安息聖祭升階詩
https://musescore.com/user/13028/scores/1125886

Requiem Offertorium 安息聖祭獻禮詩(主上帝耶穌基督)
https://musescore.com/user/13028/scores/1127901

Sanctus 安息聖祭三聖哉頌
https://musescore.com/user/13028/scores/1131496

Agnus Dei 安息聖祭羔羊頌
https://musescore.com/user/13028/scores/1131491

Libera Me求解救我
https://musescore.com/user/13028/scores/1130491

Lux Aterna 願永恆真光
https://musescore.com/user/13028/scores/1125921

安息聖祭始禮詩
求賜佢哋永恆安息,上主,以無盡真光照耀佢哋。聖詩係錫安稱頌祢,誓言將於耶路撒冷向祢兌現。求施恩垂聽我哋呼求禱告,凡有血氣嘅皆歸於祢。求賜佢哋永恆安息,上主,以無盡真光照耀佢哋。阿們。

安息聖祭升階詩
求賜佢哋永恆之安息,主上帝,以無盡真光照耀佢哋。係永遠懷念裡逝者必將稱義,惡魔嘅中傷唔會再叫人恐懼。

安息聖祭獻禮詩
主上帝耶穌基督,榮耀君王,拯救所有已離世信徒之靈魂,脫離陰間嘅處罰與無底嘅地獄。叫佢哋遠離獅子嘅口,咪俾深淵吞噬佢哋。咪俾佢哋入黑暗;願旗手聖米迦勒,引導佢哋進入神聖真光,因祢曾經承諾過亞伯拉罕嘅子子孫孫。

上主,我哋向祢恭敬地獻上祈祭與禱辭。願祢悅納,乃念離世嘅靈魂;我哋今日一齊記念緊佢哋。主上帝,求祢救佢哋出死亡入永生,因祢曾經承諾過亞伯拉罕嘅子子孫孫。

三聖哉頌
聖哉,聖哉,聖哉,天地萬軍之主上帝,祢嘅榮光充滿咗天地。歡呼之聲,響徹雲霄!
奉你(+)名而嚟嘅,係應當稱頌嘅。歡呼之聲,響徹雲霄!

羔羊頌
上帝嘅羔羊,除掉世人罪嘅主,憐恤我哋。
上帝嘅羔羊,除掉世人罪嘅主,憐恤我哋。
上帝嘅羔羊,除掉世人罪嘅主,賜安息俾我哋。

願永恆真光
願永恆真光照佢哋,主上帝,且永遠偕同諸聖徒,因祢大慈悲。求賜佢哋永恆之安息,主上帝以無盡真光照耀佢哋。且永遠偕同諸聖徒,因祢大慈悲。

求解救我
求解救我,主上帝,以脫離永死,係咁震憟惶恐之日,即天旋地轉忽忽悠悠之日,即祢以怒火臨格人間判世俗之時。
我憂慮劫數難逃,驚恐失色,直至審判加諸我哋,慄慄危懼近在側。即天旋地轉忽忽悠悠之日。
就係果日,暴怒之日,天崩而地裂,悽慘而戚戚,承烈火之難,受裂胸之痛。即祢以怒火臨格人間判世俗之時。
求賜佢哋永恆之安息,主上帝以無盡真光照耀佢哋。

全文 710 字 (唔計英文、空格、標點)